Sri Sabari Girisha Ashtakam pdf download – శ్రీ శబరిగిరీశాష్టకం

యజనసుపూజితయోగివరార్చిత యాదువినాశక యోగతనో
యతివరకల్పితయంత్రకృతాసనయక్షవరార్పితపుష్పతనో |
యమనియమాసనయోగిహృదాసనపాపనివారణకాలతనో
జయ జయ హే శబరీగిరిమందిరసుందర పాలయ మామనిశం || 1 ||
మకరమహోత్సవ మంగళదాయక భూతగణావృతదేవతనో
మధురిపుమన్మథమారకమానిత దీక్షితమానసమాన్యతనో |
మదగజసేవిత మంజులనాదకవాద్యసుఘోషితమోదతనో
జయ జయ హే శబరీగిరిమందిరసుందర పాలయ మామనిశం || 2 ||
జయ జయ హే శబరీగిరినాయక సాధయ చింతితమిష్టతనో
కలివరదోత్తమ కోమలకుంతల కంజసుమావలికాంతతనో |
కలివరసంస్థిత కాలభయార్దిత భక్తజనావనతుష్టమతే
జయ జయ హే శబరీగిరిమందిరసుందర పాలయ మామనిశం || 3 ||
నిశిసురపూజనమంగళవాదనమాల్యవిభూషణమోదమతే
సురయువతీకృతవందన నర్తననందితమానసమంజుతనో |
కలిమనుజాద్భుత కల్పితకోమలనామసుకీర్తనమోదతనో
జయ జయ హే శబరీగిరిమందిరసుందర పాలయ మామనిశం || 4 ||
అపరిమితాద్భుతలీల జగత్పరిపాల నిజాలయచారుతనో
కలిజనపాలన సంకటవారణ పాపజనావనలబ్ధతనో |
ప్రతిదివసాగతదేవవరార్చిత సాధుముఖాగతకీర్తితనో
జయ జయ హే శబరీగిరిమందిరసుందర పాలయ మామనిశం || 5 ||
కలిమలకాలన కంజవిలోచన కుందసుమానన కాంతతనో
బహుజనమానసకామసుపూరణ నామజపోత్తమ మంత్రతనో |
నిజగిరిదర్శనయాతుజనార్పితపుత్రధనాదికధర్మతనో
జయ జయ హే శబరీగిరిమందిరసుందర పాలయ మామనిశం || 6 ||
శతమఖపాలక శాంతివిధాయక శత్రువినాశక శుద్ధతనో
తరునికరాలయ దీనకృపాలయ తాపసమానస దీప్తతనో |
హరిహరసంభవ పద్మసముద్భవ వాసవశంభవసేవ్యతనో
జయ జయ హే శబరీగిరిమందిరసుందర పాలయ మామనిశం || 7 ||
మమకులదైవత మత్పితృపూజిత మాధవలాలితమంజుమతే
మునిజనసంస్తుత ముక్తివిధాయక శంకరపాలిత శాంతమతే |
జగదభయంకర జన్మఫలప్రద చందనచర్చితచంద్రరుచే
జయ జయ హే శబరీగిరిమందిరసుందర పాలయ మామనిశం || 8 ||
అమలమనంతపదాన్వితరామసుదీక్షిత సత్కవిపద్యమిదం
శివశబరీగిరిమందిరసంస్థితతోషదమిష్టదమార్తిహరం |
పఠతి శృణోతి చ భక్తియుతో యది భాగ్యసమృద్ధిమథో లభతే
జయ జయ హే శబరీగిరిమందిరసుందర పాలయ మామనిశం || 9 ||
ఇతి శ్రీరామసుదీక్షితసత్కవి కృతం శ్రీ శబరీగిరీశాష్టకం |