Sri Krishna Ashraya Stotram pdf download – శ్రీ కృష్ణాశ్రయ స్తోత్రం

సర్వమార్గేషు నష్టేషు కాలౌ చ కలిధర్మిణి |
పాషండప్రచురే లోకే కృష్ణ ఏవ గతిర్మమ || 1 ||
ంలేచ్ఛాక్రాంతేషు దేశేషు పాపైకనిలయేషు చ |
సత్పీడావ్యగ్రలోకేషు కృష్ణ ఏవ గతిర్మమ || 2 ||
గంగాదితీర్థవర్యేషు దుష్టైరేవావృతేష్విహ |
తిరోహితాధిదైవేషు కృష్ణ ఏవ గతిర్మమ || 3 ||
అహంకారవిమూఢేషు సత్సు పాపానువర్తిషు |
లాభపూజార్థయత్నేషు కృష్ణ ఏవ గతిర్మమ || 4 ||
అపరిజ్ఞాననష్టేషు మంత్రేష్వవ్రతయోగిషు |
తిరోహితార్థదేవేషు కృష్ణ ఏవ గతిర్మమ || 5 ||
నానాకార్యవినష్టేషు సర్వకర్మవ్రతాదిషు |
పాషండైకప్రయత్నేషు కృష్ణ ఏవ గతిర్మమ || 6 ||
అజామిలాదిదోషాణాం నాశకోఽనుభవే స్థితః |
జ్ఞాపితాఖిలమాహాత్ంయః కృష్ణ ఏవ గతిర్మమ || 7 ||
ప్రాకృతాః సకలా దేవా గణితానందకం బృహత్ |
పూర్ణానందో హరిస్తస్మాత్ కృష్ణ ఏవ గతిర్మమ || 8 ||
వివేకధైర్యభక్త్యాదిరహితస్య విశేషతః |
పాపాసక్తస్య దీనస్య కృష్ణ ఏవ గతిర్మమ || 9 ||
సర్వసామర్థ్యసహితః సర్వత్రైవాఖిలార్థకృత్ |
శరణస్థసముద్ధారం కృష్ణం విజ్ఞాపయాంయహం || 10 ||
కృష్ణాశ్రయమిదం స్తోత్రం యః పఠేత్ కృష్ణసన్నిధౌ |
తస్యాశ్రయో భవేత్ కృష్ణ ఇతి శ్రీవల్లభోఽబ్రవీత్ || 11 ||
ఇతి శ్రీమద్వల్లభాచార్య విరచితం శ్రీ కృష్ణాశ్రయ స్తోత్రం ||