Yamuna Ashtakam pdf download – యమునాష్టకం

మురారికాయకాలిమాలలామవారిధారిణీ
తృణీకృతత్రివిష్టపా త్రిలోకశోకహారిణీ |
మనోనుకూలకూలకుంజపుంజధూతదుర్మదా
ధునోతు నో మనోమలం కలిందనందినీ సదా || 1 ||
మలాపహారివారిపూరిభూరిమండితామృతా
భృశం ప్రవాతకప్రపంచనాతిపండితానిశా |
సునందనందినాంగసంగరాగరంజితా హితా
ధునోతు నో మనోమలం కలిందనందినీ సదా || 2 ||
లసత్తరంగసంగధూతభూతజాతపాతకా
నవీనమాధురీధురీణభక్తిజాతచాతకా |
తటాంతవాసదాసహంససంవృతాహ్రికామదా
ధునోతు నో మనోమలం కలిందనందినీ సదా || 3 ||
విహారరాసస్వేదభేదధీరతీరమారుతా
గతా గిరామగోచరే యదీయనీరచారుతా |
ప్రవాహసాహచర్యపూతమేదినీనదీనదా
ధునోతు నో మనోమలం కలిందనందినీ సదా || 4 ||
తరంగసంగసైకతాంతరాతితం సదాసితా
శరన్నిశాకరాంశుమంజుమంజరీ సభాజితా |
భవార్చనాప్రచారుణాంబునాధునా విశారదా
ధునోతు నో మనోమలం కలిందనందినీ సదా || 5 ||
జలాంతకేలికారిచారురాధికాంగరాగిణీ
స్వభర్తురన్యదుర్లభాంగతాంగతాంశభాగినీ |
స్వదత్తసుప్తసప్తసింధుభేదినాతికోవిదా
ధునోతు నో మనోమలం కలిందనందినీ సదా || 6 ||
జలచ్యుతాచ్యుతాంగరాగలంపటాలిశాలినీ
విలోలరాధికాకచాంతచంపకాలిమాలినీ |
సదావగాహనావతీర్ణభర్తృభృత్యనారదా
ధునోతు నో మనోమలం కలిందనందినీ సదా || 7 ||
సదైవ నందినందకేలిశాలికుంజమంజులా
తటోత్థఫుల్లమల్లికాకదంబరేణుసూజ్జ్వలా |
జలావగాహినాం నృణాం భవాబ్ధిసింధుపారదా
ధునోతు నో మనోమలం కలిందనందినీ సదా || 8 ||
ఇతి శ్రీమత్పరమహంసపరివ్రాజకాచార్యస్య శ్రీగోవిందభగవత్పూజ్యపాదశిష్యస్య శ్రీమచ్ఛంకరభగవతః కృతౌ యమునాష్టకం సంపూర్ణం |