Sri Vishnu Panjara Stotram pdf download – శ్రీ విష్ణు పంజర స్తోత్రం

ఓం అస్య శ్రీవిష్ణుపంజరస్తోత్ర మహామంత్రస్య నారద ఋషిః | అనుష్టుప్ ఛందః | శ్రీవిష్ణుః పరమాత్మా దేవతా | అహం బీజం | సోహం శక్తిః | ఓం హ్రీం కీలకం | మమ సర్వదేహరక్షణార్థం జపే వినియోగః |
నారద ఋషయే నమః ముఖే | శ్రీవిష్ణుపరమాత్మదేవతాయై నమః హృదయే | అహం బీజం గుహ్యే | సోహం శక్తిః పాదయోః | ఓం హ్రీం కీలకం పాదాగ్రే | ఓం హ్రాం హ్రీం హ్రూం హ్రైం హ్రౌం హ్రః ఇతి మంత్రః |
ఓం హ్రాం అంగుష్ఠాభ్యాం నమః |
ఓం హ్రీం తర్జనీభ్యాం నమః |
ఓం హ్రూం మధ్యమాభ్యాం నమః |
ఓం హ్రైం అనామికాభ్యాం నమః |
ఓం హ్రౌం కనిష్ఠికాభ్యాం నమః |
ఓం హ్రః కరతలకరపృష్ఠాభ్యాం నమః |
ఇతి కరన్యాసః |
ఓం హ్రాం హృదయాయ నమః |
ఓం హ్రీం శిరసే స్వాహా |
ఓం హ్రూం శిఖాయై వషట్ |
ఓం హ్రైం కవచాయ హుం |
ఓం హ్రౌం నేత్రత్రయాయ వౌషట్ |
ఓం హ్రః అస్త్రాయ ఫట్ |
ఇతి అంగన్యాసః |
అహం బీజం ప్రాణాయామం మంత్రత్రయేణ కుర్యాత్ |
ధ్యానం |
పరం పరస్మాత్ప్రకృతేరనాదిమేకం నివిష్టం బహుధా గుహాయాం |
సర్వాలయం సర్వచరాచరస్థం నమామి విష్ణుం జగదేకనాథం || 1 ||
ఓం విష్ణుపంజరకం దివ్యం సర్వదుష్టనివారణం |
ఉగ్రతేజో మహావీర్యం సర్వశత్రునికృంతనం || 2 ||
త్రిపురం దహమానస్య హరస్య బ్రహ్మణో హితం |
తదహం సంప్రవక్ష్యామి ఆత్మరక్షాకరం నృణాం || 3 ||
పాదౌ రక్షతు గోవిందో జంఘే చైవ త్రివిక్రమః |
ఊరూ మే కేశవః పాతు కటిం చైవ జనార్దనః || 4 ||
నాభిం చైవాచ్యుతః పాతు గుహ్యం చైవ తు వామనః |
ఉదరం పద్మనాభశ్చ పృష్ఠం చైవ తు మాధవః || 5 ||
వామపార్శ్వం తథా విష్ణుర్దక్షిణం మధుసూదనః |
బాహూ వై వాసుదేవశ్చ హృది దామోదరస్తథా || 6 ||
కంఠం రక్షతు వారాహః కృష్ణశ్చ ముఖమండలం |
మాధవః కర్ణమూలే తు హృషీకేశశ్చ నాసికే || 7 ||
నేత్రే నారాయణో రక్షేల్లలాటం గరుడధ్వజః |
కపోలౌ కేశవో రక్షేద్వైకుంఠః సర్వతోదిశం || 8 ||
శ్రీవత్సాంకశ్చ సర్వేషామంగానాం రక్షకో భవేత్ |
పూర్వస్యాం పుండరీకాక్ష ఆగ్నేయ్యాం శ్రీధరస్తథా || 9 ||
దక్షిణే నారసింహశ్చ నైరృత్యాం మాధవోఽవతు |
పురుషోత్తమో వారుణ్యాం వాయవ్యాం చ జనార్దనః || 10 ||
గదాధరస్తు కౌబేర్యామీశాన్యాం పాతు కేశవః |
ఆకాశే చ గదా పాతు పాతాళే చ సుదర్శనం || 11 ||
సన్నద్ధః సర్వగాత్రేషు ప్రవిష్టో విష్ణుపంజరః |
విష్ణుపంజరవిష్టోఽహం విచరామి మహీతలే || 12 ||
రాజద్వారేఽపథే ఘోరే సంగ్రామే శత్రుసంకటే |
నదీషు చ రణే చైవ చోరవ్యాఘ్రభయేషు చ || 13 ||
డాకినీప్రేతభూతేషు భయం తస్య న జాయతే |
రక్ష రక్ష మహాదేవ రక్ష రక్ష జనేశ్వర || 14 ||
రక్షంతు దేవతాః సర్వా బ్రహ్మవిష్ణుమహేశ్వరాః |
జలే రక్షతు వారాహః స్థలే రక్షతు వామనః || 15 ||
అటవ్యాం నారసింహశ్చ సర్వతః పాతు కేశవః ||
దివా రక్షతు మాం సూర్యో రాత్రౌ రక్షతు చంద్రమాః || 16 ||
పంథానం దుర్గమం రక్షేత్సర్వమేవ జనార్దనః |
రోగవిఘ్నహతశ్చైవ బ్రహ్మహా గురుతల్పగః || 17 ||
స్త్రీహంతా బాలఘాతీ చ సురాపో వృషలీపతిః |
ముచ్యతే సర్వపాపేభ్యో యః పఠేన్నాత్ర సంశయః || 18 ||
అపుత్రో లభతే పుత్రం ధనార్థీ లభతే ధనం |
విద్యార్థీ లభతే విద్యాం మోక్షార్థీ లభతే గతిం || 19 ||
ఆపదో హరతే నిత్యం విష్ణుస్తోత్రార్థసంపదా |
యస్త్విదం పఠతే స్తోత్రం విష్ణుపంజరముత్తమం || 20 ||
ముచ్యతే సర్వపాపేభ్యో విష్ణులోకం స గచ్ఛతి |
గోసహస్రఫలం తస్య వాజపేయశతస్య చ || 21 ||
అశ్వమేధసహస్రస్య ఫలం ప్రాప్నోతి మానవః |
సర్వకామం లభేదస్య పఠనాన్నాత్ర సంశయః || 22 ||
జలే విష్ణుః స్థలే విష్ణుర్విష్ణుః పర్వతమస్తకే |
జ్వాలామాలాకులే విష్ణుః సర్వం విష్ణుమయం జగత్ || 23 ||
ఇతి శ్రీబ్రహ్మాండపురాణే ఇంద్రనారదసంవాదే శ్రీవిష్ణుపంజరస్తోత్రం ||