Sri Vishnu Stavanam pdf download – శ్రీ విష్ణు స్తవనం

మార్కండేయ ఉవాచ |
నరం నృసింహం నరనాథమచ్యుతం
ప్రలంబబాహుం కమలాయతేక్షణం |
క్షితీశ్వరైరర్చితపాదపంకజం
నమామి విష్ణుం పురుషం పురాతనం || 1 ||
జగత్పతిం క్షీరసముద్రమందిరం
తం శార్ఙ్గపాణిం మునివృందవందితం |
శ్రియః పతిం శ్రీధరమీశమీశ్వరం
నమామి గోవిందమనంతవర్చసం || 2 ||
అజం వరేణ్యం జనదుఃఖనాశనం
గురుం పురాణం పురుషోత్తమం ప్రభుం |
సహస్రసూర్యద్యుతిమంతమచ్యుతం
నమామి భక్త్యా హరిమాద్యమాధవం || 3 ||
పురస్కృతం పుణ్యవతాం పరాం గతిం
క్షితీశ్వరం లోకపతిం ప్రజాపతిం |
పరం పరాణామపి కారణం హరిం
నమామి లోకత్రయకర్మసాక్షిణం || 4 ||
భోగే త్వనంతస్య పయోదధౌ సురః
పురా హి శేతే భగవాననాదికృత్ |
క్షీరోదవీచీకణికాంబునోక్షితం
తం శ్రీనివాసం ప్రణతోఽస్మి కేశవం || 5 ||
యో నారసింహం వపురాస్థితో మహాన్
సురో మురారిర్మధుకైటభాంతకృత్ |
సమస్తలోకార్తిహరం హిరణ్యకం
నమామి విష్ణుం సతతం నమామి తం || 6 ||
అనంతమవ్యక్తమతీంద్రియం విభుం
స్వే స్వే హి రూపే స్వయమేవ సంస్థితం |
యోగేశ్వరైరేవ సదా నమస్కృతం
నమామి భక్త్యా సతతం జనార్దనం || 7 ||
ఆనందమేకం విరజం విదాత్మకం
వృందాలయం యోగిభిరేవ పూజితం |
అణోరణీయాంసమవృద్ధిమక్షయం
నమామి భక్తప్రియమీశ్వరం హరిం || 8 ||
ఇతి శ్రీనరసింహపురాణే మార్కండేయచరిత్రే దశమోఽధ్యాయే మార్కండేయప్రోక్త శ్రీవిష్ణు స్తవనం |