Sri Vishnu Shatanama Stotram pdf download – శ్రీ విష్ణు శతనామస్తోత్రం

నారద ఉవాచ |
ఓం వాసుదేవం హృషీకేశం వామనం జలశాయినం |
జనార్దనం హరిం కృష్ణం శ్రీవక్షం గరుడధ్వజం || 1 ||
వారాహం పుండరీకాక్షం నృసింహం నరకాంతకం |
అవ్యక్తం శాశ్వతం విష్ణుమనంతమజమవ్యయం || 2 ||
నారాయణం గదాధ్యక్షం గోవిందం కీర్తిభాజనం |
గోవర్ధనోద్ధరం దేవం భూధరం భువనేశ్వరం || 3 ||
వేత్తారం యజ్ఞపురుషం యజ్ఞేశం యజ్ఞవాహకం |
చక్రపాణిం గదాపాణిం శంఖపాణిం నరోత్తమం || 4 ||
వైకుంఠం దుష్టదమనం భూగర్భం పీతవాససం |
త్రివిక్రమం త్రికాలజ్ఞం త్రిమూర్తిం నందికేశ్వరం || 5 ||
రామం రామం హయగ్రీవం భీమం రౌద్రం భవోద్భవం |
శ్రీపతిం శ్రీధరం శ్రీశం మంగళం మంగళాయుధం || 6 ||
దామోదరం దయోపేతం కేశవం కేశిసూదనం |
వరేణ్యం వరదం విష్ణుమానందం వసుదేవజం || 7 ||
హిరణ్యరేతసం దీప్తం పురాణం పురుషోత్తమం |
సకలం నిష్కళం శుద్ధం నిర్గుణం గుణశాశ్వతం || 8 ||
హిరణ్యతనుసంకాశం సూర్యాయుతసమప్రభం |
మేఘశ్యామం చతుర్బాహుం కుశలం కమలేక్షణం || 9 ||
జ్యోతీరూపమరూపం చ స్వరూపం రూపసంస్థితం |
సర్వజ్ఞం సర్వరూపస్థం సర్వేశం సర్వతోముఖం || 10 ||
జ్ఞానం కూటస్థమచలం జ్ఞానదం పరమం ప్రభుం |
యోగీశం యోగనిష్ణాతం యోగినం యోగరూపిణం || 11 ||
ఈశ్వరం సర్వభూతానాం వందే భూతమయం ప్రభుం |
ఇతి నామశతం దివ్యం వైష్ణవం ఖలు పాపహం || 12 ||
వ్యాసేన కథితం పూర్వం సర్వపాపప్రణాశనం |
యః పఠేత్ప్రాతరుత్థాయ స భవేద్వైష్ణవో నరః || 13 ||
సర్వపాపవిశుద్ధాత్మా విష్ణుసాయుజ్యమాప్నుయాత్ |
చాంద్రాయణసహస్రాణి కన్యాదానశతాని చ || 14 ||
గవాం లక్షసహస్రాణి ముక్తిభాగీ భవేన్నరః |
అశ్వమేధాయుతం పుణ్యం ఫలం ప్రాప్నోతి మానవః || 15 ||