Sri Vishnu Ashtottara Shatanama stotram pdf download – శ్రీ విష్ణు అష్టోత్తర శతనామ స్తోత్రం

అష్టోత్తరశతం నాంనాం విష్ణోరతులతేజసః |
యస్య శ్రవణమాత్రేణ నరో నారాయణో భవేత్ || 1 ||
విష్ణుర్జిష్ణుర్వషట్కారో దేవదేవో వృషాకపిః | [*వృషాపతిః*] దామోదరో దీనబంధురాదిదేవోఽదితేస్తుతః || 2 ||
పుండరీకః పరానందః పరమాత్మా పరాత్పరః |
పరశుధారీ విశ్వాత్మా కృష్ణః కలిమలాపహా || 3 ||
కౌస్తుభోద్భాసితోరస్కో నరో నారాయణో హరిః |
హరో హరప్రియః స్వామీ వైకుంఠో విశ్వతోముఖః || 4 ||
హృషీకేశోఽప్రమేయాత్మా వరాహో ధరణీధరః |
వామనో వేదవక్తా చ వాసుదేవః సనాతనః || 5 ||
రామో విరామో విరజో రావణారీ రమాపతిః |
వైకుంఠవాసీ వసుమాన్ ధనదో ధరణీధరః || 6 ||
ధర్మేశో ధరణీనాథో ధ్యేయో ధర్మభృతాంవరః |
సహస్రశీర్షా పురుషః సహస్రాక్షః సహస్రపాత్ || 7 ||
సర్వగః సర్వవిత్సర్వః శరణ్యః సాధువల్లభః | [*సర్వదః*] కౌసల్యానందనః శ్రీమాన్ రాక్షసఃకులనాశకః || 8 ||
జగత్కర్తా జగద్ధర్తా జగజ్జేతా జనార్తిహా |
జానకీవల్లభో దేవో జయరూపో జలేశ్వరః || 9 ||
క్షీరాబ్ధివాసీ క్షీరాబ్ధితనయావల్లభస్తథా |
శేషశాయీ పన్నగారివాహనో విష్టరశ్రవః || 10 ||
మాధవో మథురానాథో ముకుందో మోహనాశనః |
దైత్యారిః పుండరీకాక్షో హ్యచ్యుతో మధుసూదనః || 11 ||
సోమసూర్యాగ్నినయనో నృసింహో భక్తవత్సలః |
నిత్యో నిరామయశ్శుద్ధో వరదేవో జగత్ప్రభుః || 12 || [*నరదేవో*] హయగ్రీవో జితరిపురుపేంద్రో రుక్మిణీపతిః |
సర్వదేవమయః శ్రీశః సర్వాధారః సనాతనః || 13 ||
సౌంయః సౌంయప్రదః స్రష్టా విష్వక్సేనో జనార్దనః |
యశోదాతనయో యోగీ యోగశాస్త్రపరాయణః || 14 ||
రుద్రాత్మకో రుద్రమూర్తిః రాఘవో మధుసూధనః | [*రుద్రసూదనః*] ఇతి తే కథితం దివ్యం నాంనామష్టోత్తరం శతం || 15 ||
సర్వపాపహరం పుణ్యం దివ్యోరతులతేజసః |
దుఃఖదారిద్ర్యదౌర్భాగ్యనాశనం సుఖవర్ధనం || 16 ||
సర్వసంపత్కరం సౌంయం మహాపాతకనాశనం |
ప్రాతరుత్థాయ విపేంద్ర పఠేదేకాగ్రమానసః || 17 ||
తస్య నశ్యన్తి విపదాం రాశయః సిద్ధిమాప్నుయాత్ || 18 ||
ఇతి శ్రీ విష్ణోః అష్టోత్తరశతనామ స్తోత్రం ||