శ్రియః కాంతాయ కళ్యాణనిధయే నిధయేఽర్థినాం |
శ్రీవేంకటనివాసాయ శ్రీనివాసాయ మంగళం || 1 ||
లక్ష్మీ సవిభ్రమాలోకసుభ్రూవిభ్రమచక్షుషే |
చక్షుషే సర్వలోకానాం వేంకటేశాయ మంగళం || 2 ||
శ్రీవేంకటాద్రిశృంగాగ్ర మంగళాభరణాంఘ్రయే |
మంగళానాం నివాసాయ వేంకటేశాయ మంగళం || 3 ||[శ్రీనివాసాయ] సర్వావయవసౌందర్యసంపదా సర్వచేతసాం |
సదా సంమోహనాయాస్తు వేంకటేశాయ మంగళం || 4 ||
నిత్యాయ నిరవద్యాయ సత్యానందచిదాత్మనే |
సర్వాంతరాత్మనే శ్రీమద్వేంకటేశాయ మంగళం || 5 ||
స్వతస్సర్వవిదే సర్వశక్తయే సర్వశేషిణే |
సులభాయ సుశీలాయ వేంకటేశాయ మంగళం || 6 ||
పరస్మై బ్రహ్మణే పూర్ణకామాయ పరమాత్మనే |
ప్రయుంజే పరతత్త్వాయ వేంకటేశాయ మంగళం || 7 ||
ఆకాలతత్త్వమశ్రాంతమాత్మనామనుపశ్యతాం |
అతృప్త్యమృతరూపాయ వేంకటేశాయ మంగళం || 8 ||
ప్రాయస్స్వచరణౌ పుంసాం శరణ్యత్వేన పాణినా |
కృపయాఽఽదిశతే శ్రీమద్వేంకటేశాయ మంగళం || 9 ||
దయామృతతరంగిణ్యాస్తరంగైరివ శీతలైః |
అపాంగైః సించతే విశ్వం వేంకటేశాయ మంగళం || 10 ||
స్రగ్భూషాంబరహేతీనాం సుషమావహమూర్తయే |
సర్వార్తిశమనాయాస్తు వేంకటేశాయ మంగళం || 11 ||
శ్రీవైకుంఠవిరక్తాయ స్వామిపుష్కరిణీతటే |
రమయా రమమాణాయ వేంకటేశాయ మంగళం || 12 ||
శ్రీమత్సుందరజామాతృమునిమానసవాసినే |
సర్వలోకనివాసాయ శ్రీనివాసాయ మంగళం || 13 ||
మంగళాశాసనపరైర్మదాచార్యపురోగమైః |
సర్వైశ్చ పూర్వైరాచార్యైః సత్కృతాయాస్తు మంగళం || 14 ||