Sri Sudarshana Kavacham 1 (Bhrigu Samhita) pdf download – శ్రీ సుదర్శన కవచం –1 (భృగుసంహితే)

ప్రసీద భగవన్ బ్రహ్మన్ సర్వమంత్రజ్ఞ నారద |
సౌదర్శనం తు కవచం పవిత్రం బ్రూహి తత్వతః || 1 ||
నారద ఉవాచ |
శృణుష్వేహ ద్విజశ్రేష్ఠ పవిత్రం పరమాద్భుతం |
సౌదర్శనం తు కవచం దృష్టాఽదృష్టార్థసాధకం || 2 ||
కవచస్యాస్య ఋషిర్బ్రహ్మా ఛందోఽనుష్టుప్ తథా స్మృతం |
సుదర్శనమహావిష్ణుర్దేవతా సంప్రచక్షతే || 3 ||
హ్రాం బీజం శక్తిరత్రోక్తా హ్రీం క్రోం కీలకమిష్యతే |
శిరః సుదర్శనః పాతు లలాటం చక్రనాయకః || 4 ||
ఘ్రాణం పాతు మహాదైత్యరిపురవ్యాద్దృశౌ మమ |
సహస్రారః శృతిం పాతు కపోలం దేవవల్లభః || 5 ||
విశ్వాత్మా పాతు మే వక్త్రం జిహ్వాం విద్యామయో హరిః |
కంఠం పాతు మహాజ్వాలః స్కంధౌ దివ్యాయుధేశ్వరః || 6 ||
భుజౌ మే పాతు విజయీ కరౌ కైటభనాశనః |
షట్కోణసంస్థితః పాతు హృదయం ధామ మామకం || 7 ||
మధ్యం పాతు మహావీర్యః త్రినేత్రో నాభిమండలం |
సర్వయుధమయః పాతు కటిం శ్రోణిం మహాద్యుతిః || 8 ||
సోమసూర్యాగ్నినయనః ఊరూ పాతు చ మామకౌ |
గుహ్యం పాతు మహామాయో జానునీ తు జగత్పతిః || 9 ||
జంఘే పాతు మమాజస్రం అహిర్బుధ్న్యః సుపూజితః |
గుల్ఫౌ పాతు విశుద్ధాత్మా పాదౌ పరపురంజయః || 10 ||
సకలాయుధసంపూర్ణో నిఖిలాంగం సుదర్శనః |
య ఇదం కవచం దివ్యం పరమానందదాయినం || 11 ||
సౌదర్శనమిదం యో వై సదా శుద్ధః పఠేన్నరః |
తస్యార్థసిద్ధిర్విపులా కరస్థా భవతి ధ్రువం || 12 ||
కూశ్మాండచండభూతాద్యాః యే చ దుష్టా గ్రహాః స్మృతాః |
పలాయంతేఽనిశం భీతాః వర్మణోఽస్య ప్రభావతః || 13 ||
కుష్టాపస్మారగుల్మాద్యాః వ్యాధయః కర్మహేతుకాః |
నశ్యంత్యేతన్మంత్రితాంబుపానాత్ సప్తదినావధి || 14 ||
అనేన మంత్రితాం మృత్స్నాం తులసీమూలసంస్థితాం |
లలాటే తిలకం కృత్వా మోహయేత్ త్రిజగన్నరః |
వర్మణోఽస్య ప్రభావేన సర్వాన్కామానవాప్నుయాత్ || 15 ||
ఇతి శ్రీభృగుసంహితే శ్రీ సుదర్శన కవచం |