Sri Sudarshana Kavacham 2 pdf download – శ్రీ సుదర్శన కవచం –2

అస్య శ్రీసుదర్శనకవచ మహామంత్రస్య అహిర్బుధ్న్య ఋషిః అనుష్టుప్ ఛందః సుదర్శనరూపీ పరమాత్మా దేవతా సహస్రారం ఇతి బీజం సుదర్శనం ఇతి శక్తిః చక్రరాడితి కీలకం మమ సర్వరక్షార్థే జపే వినియోగః |
కరన్యాసః –
ఆచక్రాయ స్వాహా – అంగుష్ఠాభ్యాం నమః |
విచక్రాయ స్వాహా – తర్జనీభ్యాం నమః |
సుచక్రాయ స్వాహా – మధ్యమాభ్యాం నమః |
ధీచక్రాయ స్వాహా – అనామికాభ్యాం నమః |
సంచక్రాయ స్వాహా – కనిష్ఠికాభ్యాం నమః |
జ్వాలాచక్రాయ స్వాహా – కరతలకరపృష్ఠాభ్యాం నమః |
అంగన్యాసః –
ఆచక్రాయ స్వాహా – హృదయాయ నమః |
విచక్రాయ స్వాహా – శిరసే స్వాహా |
సుచక్రాయ స్వాహా – శిఖాయై వషట్ |
ధీచక్రాయ స్వాహా – కవచాయ హుం |
సంచక్రాయ స్వాహా – నేత్రత్రయాయ వౌషట్ |
జ్వాలాచక్రాయ స్వాహా – అస్త్రాయ ఫట్ |
ధ్యానం |
శంఖం శార్ఙ్గం సుఖేటం హలపరశుగదాపాశమంతర్దధానే
సవ్యే వామేఽథ చక్రేఽప్యసిముసల లసద్వజ్రహస్తం త్రిశూలం |
జ్వాలాకేశం చ పాశం జ్వలదనలశిఖా విద్యుద్దృఙ్మండలస్థం
ప్రత్యాలీఢం త్రిణేత్రం పురగణమథనం భావయే మంత్రరాజం ||
అథ మూలమంత్రం |
ఓం శ్రీం హ్రీం క్లీం సహస్రార హుం ఫట్ స్వాహా |
అథ కవచం |
మస్తకం మే సహస్రారం పాతు ఫాలం సుదర్శనం |
భ్రూమధ్యే చక్రరాట్ పాతు నేత్రేఽగ్న్యర్కేందులోచనః || 1 ||
కర్ణౌ వేదస్తవః పాతు ఘ్రాణం పాతు విభీషణః |
మహాదేవః కపోలం మే చక్షూ రుద్రో వరప్రదః || 2 ||
దంతాన్ పాతు జగద్వంద్యో రసనాం మమ సర్వదః |
సర్వవిద్యాం నృపః పాతు గిరం వాగీశ్వరోఽవతు || 3 ||
వీరసింహో ముఖం పాతు చిబుకం భక్తవత్సలః |
సర్వదా పృష్ఠదేశే మే దేవానామభయప్రదః || 4 ||
నాభిం షట్కోణగః పాతు ఘంటారావః కటిం తథా |
ఊరూ పాతు మహాశూరో జానునీ భీమవిక్రమః || 5 ||
జంఘే పాతు మహావేగో గుల్ఫావదితిరంజనః |
పాతు పాదతలద్వంద్వం విశ్వభారో నిరంతరం || 6 ||
సుదర్శననృసింహో మే శరీరం పాతు సర్వదా |
పాతు సర్వాంగకాంతిం మే కల్పాంతాగ్నిసమప్రభః || 7 ||
మమ సర్వాంగరోమాణి జ్వాలాకేశస్తు రక్షతు |
అంతర్బహిశ్చ మే పాతు విశ్వాత్మా సర్వతోముఖః || 8 ||
రక్షాహీనం చ యత్స్థానం ప్రచండస్తత్ర రక్షతు |
సర్వతో దిక్షు మే పాతు జ్వాలాసాహస్రసంస్తుతం || 9 ||
ఇతి సౌదర్శనం దివ్యం కవచం సర్వకామదం |
సర్వపాపోపశమనం సర్వవ్యాధినివారణం || 10 ||
సర్వశత్రుక్షయకరం సర్వమంగళదాయకం |
త్రిసంధ్యం జపతాం నౄణాం సర్వదా సర్వకామదం || 11 ||
ప్రాతరుత్థాయ యో భక్త్యా పఠేదేతత్సదా నరః |
తస్య కార్యేషు సర్వేషు విఘ్నః కోఽపి న జాయతే || 12 ||
యక్షరాక్షసవేతాలపిశాచాశ్చ వినాయకః |
శాకినీ డాకినీ మాలా కాలికా చండికాదయః || 13
భూతప్రేతపిశాచాశ్చ యేఽన్యే దుష్టగ్రహా అపి |
కవచస్య ప్రభావేన దృష్టిమాత్రేణ తేఽఖిలాః || 14 ||
పలాయంతే యథా నాగాః పక్షిరాజస్య దర్శనాత్ |
అస్యాయుతం పురశ్చర్యా దశాంశం తిలసర్పిషా || 15 ||
హవనం తత్సమం చైవ తర్పణం గంధవారిణా |
పుష్పాంజలిం దశాంశేన మృష్టాన్నైః సుఘృతప్లుతైః || 16 ||
చతుర్వింశద్ద్విజా భోజ్యాస్తతః కార్యాణి సాధయేత్ |
విన్యస్య జవనో ధీరో యుద్ధార్థం యోఽధిగచ్ఛతి || 17 ||
క్షణాజ్జిత్వాఽఖిలాన్ శత్రూన్ విజయీ భవతి ధ్రువం |
మంత్రితాంబు త్రివారం వై పిబేత్సప్తదినావధి || 18 ||
వ్యాధయః ప్రశమం యాంతి సకలాః కుక్షిసంభవాః |
ముఖరోగాక్షిరోగాణాం నాశనం పరమం మతం || 19 ||
భీతానామభిషేకాచ్చ మహాభయనివారణం |
సప్తాభిమంత్రితానేన తులసీమూలమృత్తికా || 20 ||
లింపేన్నశ్యంతి తద్రోగాః సప్త కృచ్ఛ్రాదయోఽఖిలాః |
లలాటే తిలకం నౄణాం మోహనం సర్వవశ్యకృత్ || 21 ||
పరేషాం మంత్రతంత్రాది నాశనం పరమం మతం |
అగ్నిసర్పాదిసర్వేషాం విషాణాం హరణం పరం || 22 ||
సౌవర్ణే రాజతే వాపి పత్రే భూర్జాదికేఽపి వా |
లిఖిత్వా పూజయేద్భక్త్యా స శ్రీమాన్భవతి ధ్రువం || 23 ||
బహునా కిమిహోక్తేన యద్యద్వాంఛతి మానవః |
సకలం ప్రాప్నుయాదస్య కవచస్య ప్రభావతః || 24 ||