హరిరువాచ |
నమః సుదర్శనాయైవ సహస్రాదిత్యవర్చసే |
జ్వాలామాలాప్రదీప్తాయ సహస్రారాయ చక్షుషే || 1 ||
సర్వదుష్టవినాశాయ సర్వపాతకమర్దినే |
సుచక్రాయ విచక్రాయ సర్వమంత్రవిభేదినే || 2 ||
ప్రసవిత్రే జగద్ధాత్రే జగద్విధ్వంసినే నమః |
పాలనార్థాయ లోకానాం దుష్టాసురవినాశినే || 3 ||
ఉగ్రాయ చైవ సౌంయాయ చండాయ చ నమో నమః |
నమశ్చక్షుఃస్వరూపాయ సంసారభయభేదినే || 4 ||
మాయాపంజరభేత్రే చ శివాయ చ నమో నమః |
గ్రహాతిగ్రహరూపాయ గ్రహాణాం పతయే నమః || 5 ||
కాలాయ మృత్యవే చైవ భీమాయ చ నమో నమః |
భక్తానుగ్రహదాత్రే చ భక్తగోప్త్రే నమో నమః || 6 ||
విష్ణురూపాయ శాంతాయ చాయుధానాం ధరాయ చ |
విష్ణుశస్త్రాయ చక్రాయ నమో భూయో నమో నమః || 7 ||
ఇతి స్తోత్రం మహాపుణ్యం చక్రస్య తవ కీర్తితం |
యః పఠేత్పరయా భక్త్యా విష్ణులోకం స గచ్ఛతి || 8 ||
చక్రపూజావిధిం యశ్చ పఠేద్రుద్ర జితేంద్రియః |
స పాపం భస్మసాత్కృత్వా విష్ణులోకాయ కల్పతే || 9 ||
ఇతి శ్రీగారుడే మహాపురాణే ఆచారకాండే త్రయస్త్రింశోఽధ్యాయే హరిప్రోక్త శ్రీ సుదర్శన చక్ర స్తోత్రం |
Sri Sudarshana Chakra Stotram pdf download – శ్రీ సుదర్శన చక్ర స్తోత్రం (గరుడపురాణే)
Author
Pavan Teja
పవన్ తేజ రచయితగా సినిమాలు, రాజకీయం, ఆరోగ్యం, వ్యాయామం, అందం, ధర్మం, విజ్ఞాన శాస్త్రం, సాంకేతికత, డబ్బు సంపాదించే మార్గాలు, ఆంగ్లం నుండి తెలుగు అనువాదం మొదలైన అంశాలలో అనుభవం పొందాడు. అతను గతంలో తెలుగు సినిమా విశ్లేషకుడిగా పని చేశాడు. ప్రస్తుతం అసిస్టెంట్ డైరెక్టర్ గా పనిచేస్తున్నాడు.
