పునః సంకల్పం –
పూర్వోక్త ఏవం గుణవిశేషణ విశిష్టాయాం శుభతిథౌ శ్రీమహగణపతిముద్దిశ్య శ్రీమహాగణపతిప్రీత్యర్థం శ్రీమన్ముద్గలపురాణే శ్రీగృత్సమద ప్రోక్త శ్లోకవిధానేన యావచ్ఛక్తి ధ్యానావహనాది షోడశోపచార పూజాం కరిష్యే ||
ప్రాణప్రతిష్ఠ –
ఓం అసు॑నీతే॒ పున॑ర॒స్మాసు॒ చక్షు॒:
పున॑: ప్రా॒ణమి॒హ నో” ధేహి॒ భోగ”ం |
జ్యోక్ప॑శ్యేమ॒ సూర్య॑ము॒చ్చర”న్త॒
మను॑మతే మృ॒డయా” నః స్వ॒స్తి ||
అ॒మృత॒o వై ప్రా॒ణా అ॒మృత॒మాప॑:
ప్రా॒ణానే॒వ య॑థాస్థా॒నముప॑హ్వయతే ||
ఆవాహితో భవ స్థాపితో భవ |
సుప్రసన్నో భవ వరదో భవ |
అస్మిన్ బింబే సపరివార సమేత శ్రీమహాగణపతి స్వామినం ఆవాహయామి స్థాపయామి పూజయామి ||
ధ్యానం –
ఓం గ॒ణానా”o త్వా గ॒ణప॑తిగ్ం హవామహే
క॒విం క॑వీ॒నాము॑ప॒మశ్ర॑వస్తమం |
జ్యే॒ష్ఠ॒రాజ॒o బ్రహ్మ॑ణాం బ్రహ్మణస్పత॒
ఆ న॑: శృ॒ణ్వన్నూ॒తిభి॑: సీద॒ సాద॑నం ||
చతుర్బాహుం త్రినేత్రం చ గజాస్యం రక్తవర్ణకం |
పాశాంకుశాదిసంయుక్తం మాయాయుక్తం ప్రచింతయేత్ ||
ఓం శ్రీమహాగణపతయే నమః ధ్యాయామి |
ఆవాహనం –
ఆగచ్ఛ బ్రహ్మణాం నాథ సురాఽసురవరార్చిత |
సిద్ధిబుద్ధ్యాదిసంయుక్త భక్తిగ్రహణలాలస ||
ఓం శ్రీమహాగణపతయే నమః ఆవహయామి |
ఆసనం –
రత్నసింహాసనం స్వామిన్ గృహాణ గణనాయక |
తత్రోపవిశ్య విఘ్నేశ రక్ష భక్తాన్విశేషతః ||
ఓం శ్రీమహాగణపతయే నమః ఆసనం సమర్పయామి |
పాద్యం –
సువాసితాభిరద్భిశ్చ పాదప్రక్షాళనం ప్రభో |
శీతోష్ణాంభః కరోమి తే గృహాణ పాద్యముత్తమం ||
ఓం శ్రీమహాగణపతయే నమః పాద్యం సమర్పయామి |
అర్ఘ్యం –
రత్నప్రవాలముక్తాద్యైరనర్ఘ్యైః సంస్కృతం ప్రభో |
అర్ఘ్యం గృహాణ హేరంబ ద్విరదానన తోషకం ||
ఓం శ్రీమహాగణపతయే నమః అర్ఘ్యం సమర్పయామి |
ఆచమనీయం –
సర్వతీర్థాహృతం తోయం సువాసితం సువస్తుభిః |
ఆచమనం చ తేనైవ కురుష్వ గణనాయక ||
ఓం శ్రీమహాగణపతయే నమః ఆచమనీయం సమర్పయామి |
మధుపర్కం –
దధిమధుఘృతైర్యుక్తం మధుపర్కం గజానన |
గృహాణ భావసంయుక్తం మయా దత్తం నమోఽస్తు తే ||
ఓం శ్రీమహాగణపతయే నమః మధుపర్కం సమర్పయామి |
నానాతీర్థజలైర్ఢుంఢే సుఖోష్ణభావరూపకైః |
కమండలూద్భవైః స్నానం మయా కురు సమర్పితైః ||
ఓం శ్రీమహాగణపతయే నమః పంచామృతస్నానం సమర్పయామి |
స్నానం –
గంగాది సర్వతీర్థేభ్యః ఆహృతైరమలైర్జలైః |
స్నానం కురుష్వ భగవానుమాపుత్ర నమోఽస్తుతే ||
ఓం శ్రీమహాగణపతయే నమః శుద్ధోదక స్నానం సమర్పయామి |
వస్త్రం –
వస్త్రయుగ్మం గృహాణ త్వమనర్ఘం రక్తవర్ణకం |
లోకలజ్జాహరం చైవ విఘ్ననాథ నమోఽస్తు తే ||
ఓం శ్రీమహాగణపతయే నమః వస్త్రయుగ్మం సమర్పయామి |
యజ్ఞోపవీతం –
ఉపవీతం గణాధ్యక్ష గృహాణ చ తతః పరం |
త్రైగుణ్యమయరూపం తు ప్రణవగ్రంథిబంధనం ||
ఓం శ్రీమహాగణపతయే నమః ఉపవీతం సమర్పయామి |
ఆభరణం –
నానాభూషణకాని త్వమంగేషు వివిధేషు చ |
భాసురస్వర్ణరత్నైశ్చ నిర్మితాని గృహాణ భో ||
ఓం శ్రీమహాగణపతయే నమః ఆభరణాని సమర్పయామి |
గంధం –
అష్టగంధసమాయుక్తం గంధం రక్తం గజానన |
ద్వాదశాంగేషు తే ఢుంఢే లేపయామి సుచిత్రవత్ ||
ఓం శ్రీమహాగణపతయే నమః గంధాన్ సమర్పయామి ||
అక్షతలు –
రక్తచందనసంయుక్తానథవా కుంకుమైర్యుతాన్ |
అక్షతాన్విఘ్నరాజ త్వం గృహాణ ఫాలమండలే ||
ఓం శ్రీమహాగణపతయే నమః అక్షతాన్ సమర్పయామి |
పుష్పం –
చంపకాదిసువృక్షేభ్యః సంభూతాని గజానన |
పుష్పాణి శమీమందారదూర్వాదీని గృహాణ చ ||
ఓం శ్రీమహాగణపతయే నమః నానావిధ పరిమళ పుష్పాణి సమర్పయామి |
షోడశనామ పూజా –
ఓం సుముఖాయ నమః | ఓం ఏకదంతాయ నమః |
ఓం కపిలాయనమః | ఓం గజకర్ణికాయ నమః |
ఓం లంబోదరాయనమః | ఓం వికటాయ నమః |
ఓం విఘ్నరాజాయ నమః | ఓం గణాధిపాయనమః |
ఓం ధూమకేతవే నమః | ఓం గణాధ్యక్షాయ నమః |
ఓం ఫాలచంద్రాయ నమః | ఓం గజాననాయ నమః |
ఓం వక్రతుండాయ నమః | ఓం శూర్పకర్ణాయ నమః |
ఓం హేరంబాయ నమః | ఓం స్కందపూర్వజాయ నమః |
ఓం సర్వసిద్ధిప్రదాయ నమః |
ధూపం –
దశాంగం గుగ్గులుం ధూపం సర్వసౌరభకారకం |
గృహాణ త్వం మయా దత్తం వినాయక మహోదర ||
ఓం శ్రీమహాగణపతయే నమః ధూపమాఘ్రాపయామి |
దీపం –
నానాజాతిభవం దీపం గృహాణ గణనాయక |
అజ్ఞానమలజం దీపం హరంతం జ్యోతిరూపకం ||
ఓం శ్రీమహాగణపతయే నమః దీపం దర్శయామి |
నైవేద్యం –
చతుర్విధాన్నసంపన్నం మధురం లడ్డుకాదికం |
నైవేద్యం తే మయా దత్తం భోజనం కురు విఘ్నప ||
ఓం శ్రీమహాగణపతయే నమః నైవేద్యం సమర్పయామి |
ఓం భూర్భువ॒స్సువ॑: | తత్స॑వి॒తుర్వరే”ణ్య॒o భర్గో॑ దే॒వస్య॑ ధీమహి |
ధియో॒ యో న॑: ప్రచో॒దయా”త్ ||
సత్యం త్వా ఋతేన పరిషించామి |
(సాయంకాలే – ఋతం త్వా సత్యేన పరిషించామి)
అమృతమస్తు | అ॒మృ॒తో॒ప॒స్తర॑ణమసి |
ఓం ప్రా॒ణాయ॒ స్వాహా” | ఓం అ॒పా॒నాయ॒ స్వాహా” |
ఓం వ్యా॒నాయ॒ స్వాహా” | ఓం ఉ॒దా॒నాయ॒ స్వాహా” |
ఓం స॒మా॒నాయ॒ స్వాహా” |
మధ్యే మధ్యే పానీయం సమర్పయామి |
అ॒మృ॒తా॒పి॒ధా॒నమ॑సి | ఉత్తరాపోశనం సమర్పయామి |
హస్తౌ ప్రక్షాళయామి | పాదౌ ప్రక్షాళయామి |
శుద్ధాచమనీయం సమర్పయామి |
తాంబూలం –
అష్టాంగం దేవ తాంబూలం గృహాణ ముఖవాసనం |
అసకృద్విఘ్నరాజ త్వం మయా దత్తం విశేషతః ||
ఓం శ్రీమహాగణపతయే నమః తాంబూలం సమర్పయామి |
నీరాజనం –
నానాదీపసమాయుక్తం నీరాజనం గజానన |
గృహాణ భావసంయుక్తం సర్వాజ్ఞానవినాశన ||
ఓం శ్రీమహాగణపతయే నమః నీరాజనం సమర్పయామి |
మంత్రపుష్పం –
ఓం గ॒ణానా”o త్వా గ॒ణప॑తిం హవామహే
క॒విం క॑వీ॒నాము॑ప॒మశ్ర॑వస్తమం |
జ్యే॒ష్ఠ॒రాజ॒o బ్రహ్మ॑ణాం బ్రహ్మణస్పత॒
ఆ న॑: శృ॒ణ్వన్నూ॒తిభి॑స్సీద॒ సాద॑నం ||
చతుర్వేదభవైర్మంత్రైర్గాణపత్యైర్గజానన |
మంత్రితాని గృహాణ త్వం పుష్పపత్రాణి విఘ్నప ||
ఓం శ్రీమహాగణపతయే నమః మంత్రపుష్పం సమర్పయామి |
ప్రదక్షిణం –
ఏకవింశతిసంఖ్యం వా త్రిసంఖ్యం వా గజానన |
ప్రాదక్షిణ్యం గృహాణ త్వం బ్రహ్మన్ బ్రహ్మేశభావన ||
ఓం శ్రీమహాగణపతయే నమః ప్రదక్షిణ నమస్కారాన్ సమర్పయామి |
సాష్టాంగనమస్కారః –
సాష్టాంగాం ప్రణతిం నాథ ఏకవింశతిసంమితాం |
హేరంబ సర్వపూజ్య త్వం గృహాణ తు మయా కృతం ||
ఓం శ్రీమహాగణపతయే నమః సాష్టాంగ నమస్కారాన్ సమర్పయామి |
నమస్కారం –
విఘ్నేశ్వరాయ వరదాయ గణేశ్వరాయ |
సర్వేశ్వరాయ శుభదాయ సురేశ్వరాయ ||
విద్యాధరాయ వికటాయ చ వామనాయ |
భక్తిప్రసన్న వరదాయ నమో నమోఽస్తు ||
క్షమాప్రార్థన –
అపరాధానసంఖ్యాతాన్ క్షమస్వ గణనాయక |
భక్తం కురు చ మాం ఢుంఢే తవ పాదప్రియం సదా ||
సమర్పణం –
జాగ్రత్స్వప్నసుషుప్తిభిర్దేహవాఙ్మనసైః కృతం |
సాంసర్గికేణ యత్కర్మ గణేశాయ సమర్పయే ||
అనయా ధ్యాన ఆవాహనాది షోడశోపచార పూజయా భగవాన్ సర్వాత్మికః శ్రీ మహాగణాధిపతి
సుప్రీతో సుప్రసన్నో వరదో భవంతు ||
తీర్థస్వీకరణ –
బాహ్యం నానావిధం పాపం మహోగ్రం తల్లయం వ్రజేత్ |
గణేశపాదతీర్థస్య మస్తకే ధారణాత్కిల ||
శ్రీ మహాగణాధిపతి పాదోదక తీర్థం గృహ్ణామి |
ప్రసాదస్వీకరణ –
తతోచ్ఛిష్టం తు నైవేద్యం గణేశస్య భునజ్ంయహం |
భుక్తిముక్తిప్రదం పూర్ణం నానాపాపనికృంతనం ||
శ్రీ మహాగణాధిపతి ప్రసాదం శిరసా గృహ్ణామి |
Sri Mahaganapathi Shodashopachara puja pdf download – శ్రీ మహాగణపతి షోడశోపచార పూజ
Author
Pavan Teja
పవన్ తేజ రచయితగా సినిమాలు, రాజకీయం, ఆరోగ్యం, వ్యాయామం, అందం, ధర్మం, విజ్ఞాన శాస్త్రం, సాంకేతికత, డబ్బు సంపాదించే మార్గాలు, ఆంగ్లం నుండి తెలుగు అనువాదం మొదలైన అంశాలలో అనుభవం పొందాడు. అతను గతంలో తెలుగు సినిమా విశ్లేషకుడిగా పని చేశాడు. ప్రస్తుతం అసిస్టెంట్ డైరెక్టర్ గా పనిచేస్తున్నాడు.
