శ్రీకంఠతనయ శ్రీశ శ్రీకర శ్రీదళార్చిత |
శ్రీవినాయక సర్వేశ శ్రియం వాసయ మే కులే || 1 ||
గజానన గణాధీశ ద్విజరాజవిభూషిత |
భజే త్వాం సచ్చిదానంద బ్రహ్మణాం బ్రహ్మణస్పతే || 2 ||
ణషష్ఠవాచ్యనాశాయ రోగాటవికుఠారిణే |
ఘృణాపాలితలోకాయ వనానాం పతయే నమః || 3 ||
ధియం ప్రయచ్ఛతే తుభ్యమీప్సితార్థప్రదాయినే |
దీప్తభూషణభూషాయ దిశాం చ పతయే నమః || 4 ||
పంచబ్రహ్మస్వరూపాయ పంచపాతకహారిణే |
పంచతత్త్వాత్మనే తుభ్యం పశూనాం పతయే నమః || 5 ||
తటిత్కోటిప్రతీకాశతనవే విశ్వసాక్షిణే |
తపఃస్వాధ్యాయినే తుభ్యం సేనానిభ్యశ్చ వో నమః || 6 ||
యే భజంత్యక్షరం త్వాం తే ప్రాప్నువంత్యక్షరాత్మతాం |
నైకరూపాయ మహతే ముష్ణతాం పతయే నమః || 7 ||
నగజావరపుత్రాయ సురరాజార్చితాయ చ |
సుగుణాయ నమస్తుభ్యం సుమృడీకాయ మీఢుషే || 8 ||
మహాపాతకసంఘాతమహారణభయాపహ |
త్వదీయకృపయా దేవ సర్వానవ యజామహే || 9 ||
నవార్ణరత్ననిగమపాదసంపుటితాం స్తుతిం |
భక్త్యా పఠంతి యే తేషాం తుష్టో భవ గణాధిప || 10 ||
ఇతి శ్రీ మహాగణపతి నవార్ణవేదపాద స్తవః |
Sri Mahaganapathi Navarna vedapada stava pdf download – శ్రీమహాగణపతి నవార్ణ వేదపాద స్తవః
Author
Pavan Teja
పవన్ తేజ రచయితగా సినిమాలు, రాజకీయం, ఆరోగ్యం, వ్యాయామం, అందం, ధర్మం, విజ్ఞాన శాస్త్రం, సాంకేతికత, డబ్బు సంపాదించే మార్గాలు, ఆంగ్లం నుండి తెలుగు అనువాదం మొదలైన అంశాలలో అనుభవం పొందాడు. అతను గతంలో తెలుగు సినిమా విశ్లేషకుడిగా పని చేశాడు. ప్రస్తుతం అసిస్టెంట్ డైరెక్టర్ గా పనిచేస్తున్నాడు.
