రుద్ర ఉవాచ |
అథ దేవగణాః సర్వే ఋషయశ్చ తపోధనాః |
బ్రహ్మరుద్రౌ పురస్కృత్య శనైః స్తోతుం సమాయయుః || 1 ||
తే ప్రసాదయితుం భీతా జ్వలంతం సర్వతోముఖం |
మాతరం జగతాం ధాత్రీం చింతయామాసురీశ్వరీం || 2 ||
హిరణ్యవర్ణాం హరిణీం సర్వోపద్రవనాశినీం |
విష్ణోర్నిత్యానవద్యాంగీం ధ్యాత్వా నారాయణప్రియాం || 3 ||
దేవీసూక్తం జపైర్భక్త్యా నమశ్చక్రుః సనాతనీం |
తైశ్చింత్యమానా సా దేవీ తత్రైవావిరభూత్తదా || 4 ||
చతుర్భుజా విశాలాక్షీ సర్వాభరణభూషితా |
దుకూలవస్త్రసంవీతా దివ్యమాల్యానులేపనా || 5 ||
తాం దృష్ట్వా దేవదేవస్య ప్రియాం సర్వే దివౌకసః |
ఊచుః ప్రాంజలయో దేవి ప్రసన్నం కురు తే ప్రియం || 6 ||
త్రైలోక్యస్యాభయం స్వామీ యథా దద్యాత్తథా కురు |
ఇత్యుక్తా సహసాదేవీ తం ప్రపద్య జనార్దనం || 7 ||
ప్రణిపత్య నమస్కృత్య సా ప్రసీదేత్యువాచ తం |
తాం దృష్ట్వా మహిషీం స్వస్యప్రియాం సర్వేశ్వరో హరిః || 8 ||
రక్షః శరీరజం క్రోధం సర్వం తత్యాజ వత్సలః |
అంకేనాదాయ తాం దేవీం సమాశ్లిష్య దయానిధిః || 9 ||
కృపాసుధార్ద్రదృష్ట్యా వై నిరైక్షత సురాన్ హరిః |
తతో జయ జయేత్యుచ్చైః స్తువతాం నమతాం తథా || 10 ||
తద్దయాదృష్టిదృష్టానాం సానందః సంభ్రమోఽభవత్ |
తతో దేవగణాః సర్వే హర్షనిర్భరమానసాః || 11 ||
ఊచుః ప్రాంజలయో దేవం నమస్కృత్వా నృకేసరిం |
ద్రష్టుమత్యద్భుతం తేజో న శక్తాః స్మ జగత్పతే || 12 ||
అత్యద్భుతమిదం రూపం బహు బాహుపదాన్వితం |
జగత్త్రయసమాక్రాంతం తేజస్తీక్ష్ణతరం తవ || 13 ||
ద్రష్టుం స్థాతుం న శక్తాః స్మ సర్వ ఏవ దివౌకసః |
ఇత్యర్థితస్తైర్విబుధైస్తేజస్తదతిభీషణం || 14 ||
ఉపసంహృత్య దేవేశో బభూవ సుఖదర్శనః |
శరత్కాలేందుసంకాశః పుండరీక నిభేక్షణః || 15 ||
సుధామయ సటాపుంజ విద్యుత్కోటినిభః శుభః |
నానారత్నమయైర్దివ్యైః కేయూరైః కటకాన్వితైః || 16 ||
బాహుభిః కల్పవృక్షస్య ఫలయుగ్విటపైరివ |
చతుర్భిః కోమలైర్దివ్యైరన్వితః పరమేశ్వరః || 17 ||
జపాకుసుమసంకాశైః శోభితః కరపల్లవైః |
గృహీత శంఖచక్రాభ్యాం ఉద్బాహుభ్యాం విరాజితః || 18 ||
వరదాఽభయహస్తాభ్యాం ఇతరాభ్యాం నృకేసరీ |
శ్రీవత్సకౌస్తుభోరస్కో వనమాలా విభూషితః || 19 ||
ఉద్యద్దినకరాభాభ్యాం కుండలాభ్యాం విరాజితః |
హారనూపురకేయూర భూషణాద్యైరలంకృతః || 20 ||
సవ్యాంకస్థశ్రియా యుక్తో రాజతే నరకేసరీ |
లక్ష్మీనృసింహం తం దృష్ట్వా దేవతాశ్చ మహర్షయః || 21 ||
ఆనందాశ్రుజలైః సిక్తాః హర్షనిర్భరచేతసః |
ఆనందసింధుమగ్నాస్తే నమశ్చక్రుర్నిరంతరం || 22 ||
అర్చయామాసురాత్మేశం దివ్యపుష్పానులేపనైః |
రత్నకుంభైః సుధాపూర్ణైరభిషిచ్య సనాతనం || 23 ||
వస్త్రైరాభరణైర్గంధైః పుష్పైర్ధూపైర్మనోరమైః |
దీపైర్నివేదనైర్దివ్యైరర్చయిత్వా నృకేసరిం || 24 ||
తుష్టువుః స్తుతిభిర్దివ్యైర్నమశ్చక్రుర్ముహుర్మహుః |
తతః ప్రసన్నో లక్ష్మీశస్తేషామిష్టాన్వరాన్ దదౌ || 25 ||
ఇతి శ్రీపద్మపురాణే ఉత్తరఖండే అష్టత్రింశదధికశతతమోఽధ్యాయే శ్రీ లక్ష్మీనరసింహ దర్శన స్తోత్రం |
Sri Lakshmi Narasimha Darshana Stotram pdf download – శ్రీ లక్ష్మీనృసింహ దర్శన స్తోత్రం
Author
Pavan Teja
పవన్ తేజ రచయితగా సినిమాలు, రాజకీయం, ఆరోగ్యం, వ్యాయామం, అందం, ధర్మం, విజ్ఞాన శాస్త్రం, సాంకేతికత, డబ్బు సంపాదించే మార్గాలు, ఆంగ్లం నుండి తెలుగు అనువాదం మొదలైన అంశాలలో అనుభవం పొందాడు. అతను గతంలో తెలుగు సినిమా విశ్లేషకుడిగా పని చేశాడు. ప్రస్తుతం అసిస్టెంట్ డైరెక్టర్ గా పనిచేస్తున్నాడు.
