గిరిచరం కరుణామృతసాగరం
పరిచరం పరమం మృగయాపరం |
సురుచిరం సుచరాచరగోచరం
హరిహరాత్మజమీశ్వరమాశ్రయే || 1 ||
ప్రణతసంచయచింతిత కల్పకం
ప్రణతమాదిగురుం సురశిల్పకం |
ప్రణవరంజిత మంజులతల్పకం
హరిహరాత్మజమీశ్వరమాశ్రయే || 2 ||
అరిసరోరుహశంఖగదాధరం
పరిఘముద్గరబాణధనుర్ధరం |
క్షురిక తోమర శక్తిలసత్కరం
హరిహరాత్మజమీశ్వరమాశ్రయే || 3 ||
విమలమానస సారసభాస్కరం
విపులవేత్రధరం ప్రయశస్కరం |
విమతఖండన చండధనుష్కరం
హరిహరాత్మజమీశ్వరమాశ్రయే || 4 ||
సకలలోక నమస్కృత పాదుకం
సకృదుపాసక సజ్జనమోదకం |
సుకృతభక్తజనావన దీక్షకం
హరిహరాత్మజమీశ్వరమాశ్రయే || 5 ||
శరణకీర్తన భక్తపరాయణం
చరణవారిజమాత్మరసాయనం |
వరకరాత్తవిభూతి విభూషణం
హరిహరాత్మజమీశ్వరమాశ్రయే || 6 ||
మృగమదాంకిత సత్తిలకోజ్జ్వలం
మృగగణాకలితం మృగయాకులం |
మృగవరాసనమద్భుత దర్శనం
హరిహరాత్మజమీశ్వరమాశ్రయే || 7 ||
గురువరం కరుణామృత లోచనం
నిరుపమం నిఖిలామయమోచనం |
పురుసుఖప్రదమాత్మనిదర్శనం
హరిహరాత్మజమీశ్వరమాశ్రయే || 8 ||
ఇతి శ్రీ హరిహరాత్మజ ఆశ్రయాష్టకం ||
Sri Hariharatmaja Ashraya Ashtakam pdf download – శ్రీ హరిహరాత్మజ ఆశ్రయాష్టకం