వందే సిందూరవర్ణాభం లోహితాంబరభూషితం |
రక్తాంగరాగశోభాఢ్యం శోణపుచ్ఛం కపీశ్వరం ||
భజే సమీరనందనం సుభక్తచిత్తరంజనం
దినేశరూపభక్షకం సమస్తభక్తరక్షకం |
సుకంఠకార్యసాధకం విపక్షపక్షబాధకం
సముద్రపారగామినం నమామి సిద్ధకామినం || 1 ||
సుశంకితం సుకంఠముక్తవాన్ హి యో హితం వచ-
-స్త్వమాశు ధైర్యమాశ్రయాత్ర వో భయం కదాపి న |
ఇతి ప్లవంగనాథభాషితం నిశంయ వానరా-
-ఽధినాథ ఆప శం తదా స రామదూత ఆశ్రయః || 2 ||
సుదీర్ఘబాహులోచనేన పుచ్ఛగుచ్ఛశోభినా
భుజద్వయేన సోదరౌ నిజాంసయుగ్మమాస్థితౌ |
కృతౌ హి కోసలాధిపౌ కపీశరాజసన్నిధౌ
విదేహజేశలక్ష్మణౌ స మే శివం కరోత్వరం || 3 ||
సుశబ్దశాస్త్రపారగం విలోక్య రామచంద్రమాః
కపీశనాథసేవకం సమస్తనీతిమార్గగం |
ప్రశస్య లక్ష్మణం ప్రతి ప్రలంబబాహుభూషితః
కపీంద్రసఖ్యమాకరోత్ స్వకార్యసాధకః ప్రభుః || 4 ||
ప్రచండవేగధారిణం నగేంద్రగర్వహారిణం
ఫణీశమాతృగర్వహృద్దశాస్యవాసనాశకృత్ |
విభీషణేన సఖ్యకృద్విదేహజాతితాపహృత్
సుకంఠకార్యసాధకం నమామి యాతుఘాతుకం || 5 ||
నమామి పుష్పమాలినం సువర్ణవర్ణధారిణం
గదాయుధేన భూషితం కిరీటకుండలాన్వితం |
సుపుచ్ఛగుచ్ఛతుచ్ఛలంకదాహకం సునాయకం
విపక్షపక్షరాక్షసేంద్రసర్వవంశనాశకం || 6 ||
రఘూత్తమస్య సేవకం నమామి లక్ష్మణప్రియం
దినేశవంశభూషణస్య ముద్రికాప్రదర్శకం |
విదేహజాతిశోకతాపహారిణం ప్రహారిణం
సుసూక్ష్మరూపధారిణం నమామి దీర్ఘరూపిణం || 7 ||
నభస్వదాత్మజేన భాస్వతా త్వయా కృతామహాసహా-
-యతా యయా ద్వయోర్హితం హ్యభూత్ స్వకృత్యతః |
సుకంఠ ఆప తారకాం రఘూత్తమో విదేహజాం
నిపాత్య వాలినం ప్రభుస్తతో దశాననం ఖలం || 8 ||
ఇమం స్తవం కుజేఽహ్ని యః పఠేత్ సుచేతసా నరః
కపీశనాథసేవకో భునక్తి సర్వసంపదః |
ప్లవంగరాజసత్కృపాకటాక్షభాజనః సదా
న శత్రుతో భయం భవేత్కదాపి తస్య నుస్త్విహ || 9 ||
నేత్రాంగనందధరణీవత్సరేఽనంగవాసరే |
లోకేశ్వరాఖ్యభట్టేన హనుమత్తాండవం కృతం || 10 ||
Sri Hanuman Tandav Stotram pdf download – శ్రీ హనుమత్ తాండవ స్తోత్రం
Author
Pavan Teja
పవన్ తేజ రచయితగా సినిమాలు, రాజకీయం, ఆరోగ్యం, వ్యాయామం, అందం, ధర్మం, విజ్ఞాన శాస్త్రం, సాంకేతికత, డబ్బు సంపాదించే మార్గాలు, ఆంగ్లం నుండి తెలుగు అనువాదం మొదలైన అంశాలలో అనుభవం పొందాడు. అతను గతంలో తెలుగు సినిమా విశ్లేషకుడిగా పని చేశాడు. ప్రస్తుతం అసిస్టెంట్ డైరెక్టర్ గా పనిచేస్తున్నాడు.
