Sri Hanumat Pancharatnam 1 (Shankaracharya Krutam) pdf download – శ్రీ హనుమత్ పంచరత్నం 1 (శంకరాచార్య కృతం)

వీతాఖిలవిషయేచ్ఛం జాతానందాశ్రుపులకమత్యచ్ఛం |
సీతాపతిదూతాద్యం వాతాత్మజమద్య భావయే హృద్యం || 1 ||
తరుణారుణముఖకమలం కరుణారసపూరపూరితాపాంగం |
సంజీవనమాశాసే మంజులమహిమానమంజనాభాగ్యం || 2 ||
శంబరవైరిశరాతిగమంబుజదల విపులలోచనోదారం |
కంబుగలమనిలదిష్టం బింబజ్వలితోష్ఠమేకమవలంబే || 3 ||
దూరీకృతసీతార్తిః ప్రకటీకృతరామవైభవస్ఫూర్తిః |
దారితదశముఖకీర్తిః పురతో మమ భాతు హనుమతో మూర్తిః || 4 ||
వానరనికరాధ్యక్షం దానవకులకుముదరవికరసదృశం |
దీనజనావనదీక్షం పవనతపః పాకపుంజమద్రాక్షం || 5 ||
ఏతత్పవనసుతస్య స్తోత్రం యః పఠతి పంచరత్నాఖ్యం |
చిరమిహ నిఖిలాన్భోగాన్భుంక్త్వా శ్రీరామభక్తిభాగ్భవతి || 6 ||
ఇతి శ్రీమచ్ఛంకరాచార్య కృతౌ హనుమత్పంచరత్నం |