Sri Ganesha Namashtakam pdf download – శ్రీ గణేశ నామాష్టకం

శ్రీవిష్ణురువాచ |
గణేశమేకదంతం చ హేరంబం విఘ్ననాయకం |
లంబోదరం శూర్పకర్ణం గజవక్త్రం గుహాగ్రజం || 1 ||
నామాష్టార్థం చ పుత్రస్య శృణు మాతర్హరప్రియే |
స్తోత్రాణాం సారభూతం చ సర్వవిఘ్నహరం పరం || 2 ||
జ్ఞానార్థవాచకో గశ్చ ణశ్చ నిర్వాణవాచకః |
తయోరీశం పరం బ్రహ్మ గణేశం ప్రణమాంయహం || 3 ||
ఏకశబ్దః ప్రధానార్థో దంతశ్చ బలవాచకః |
బలం ప్రధానం సర్వస్మాదేకదంతం నమాంయహం || 4 ||
దీనార్థవాచకో హేశ్చ రంబః పాలకవాచకః |
దీనానాం పరిపాలకం హేరంబం ప్రణమాంయహం || 5 ||
విపత్తివాచకో విఘ్నో నాయకః ఖండనార్థకః |
విపత్ఖండనకారకం నమామి విఘ్ననాయకం || 6 ||
విష్ణుదత్తైశ్చ నైవేద్యైర్యస్య లంబోదరం పురా |
పిత్రా దత్తైశ్చ వివిధైర్వందే లంబోదరం చ తం || 7 ||
శూర్పాకారౌ చ యత్కర్ణౌ విఘ్నవారణకారణౌ |
సంపదౌ జ్ఞానరూపౌ చ శూర్పకర్ణం నమాంయహం || 8 ||
విష్ణుప్రసాదపుష్పం చ యన్మూర్ధ్ని మునిదత్తకం |
తం గజేంద్రవక్త్రయుక్తం గజవక్త్రం నమాంయహం || 9 ||
గుహస్యాగ్రే చ జాతోఽయమావిర్భూతో హరాలయే |
వందే గుహాగ్రజం దేవం సర్వదేవాగ్రపూజితం || 10 ||
ఏతన్నామాష్టకం స్తోత్రం నానార్థసంయుతం శుభం |
త్రిసంధ్యం యః పఠేన్నిత్యం స సుఖీ సర్వతో జయీ || 11 ||
తతో విఘ్నాః పలాయంతే వైనతేయాద్యథోరగాః |
గణేశ్వరప్రసాదేన మహాజ్ఞానీ భవేద్ధ్రువం || 12 ||
పుత్రార్థీ లభతే పుత్రం భార్యార్థీ విపులాం స్త్రియం |
మహాజడః కవీంద్రశ్చ విద్యావాంశ్చ భవేద్ధ్రువం || 13 ||
ఇతి శ్రీబ్రహ్మవైవర్తే గణపతిఖండే విష్ణూపదిష్టం శ్రీగణేశనామాష్టకం |