ఆశానురూపఫలదం చరణారవింద-
-భాజామపార కరుణార్ణవ పూర్ణచంద్రం |
నాశాయ సర్వవిపదామపి నౌమి నిత్య-
-మీశానకేశవభవం భువనైకనాథం || 1 ||
పింఛావలీ వలయితాకలితప్రసూన-
-సంజాతకాంతిభరభాసురకేశభారం |
శింజానమంజుమణిభూషణరంజితాంగం
చంద్రావతంసహరినందనమాశ్రయామి || 2 ||
ఆలోలనీలలలితాలకహారరంయ-
-మాకంరనాసమరుణాధరమాయతాక్షం |
ఆలంబనం త్రిజగతాం ప్రమథాధినాథ-
-మానంరలోక హరినందనమాశ్రయామి || 3 ||
కర్ణావలంబి మణికుండలభాసమాన-
-గండస్థలం సముదితాననపుండరీకం |
అర్ణోజనాభహరయోరివ మూర్తిమంతం
పుణ్యాతిరేకమివ భూతపతిం నమామి || 4 ||
ఉద్దండచారుభుజదండయుగాగ్రసంస్థం
కోదండబాణమహితాంతమదాంతవీర్యం |
ఉద్యత్ప్రభాపటలదీప్రమదభ్రసారం
నిత్యం ప్రభాపతిమహం ప్రణతో భవామి || 5 ||
మాలేయపంకసమలంకృతభాసమాన-
-దోరంతరాళతరళామలహారజాలం |
నీలాతినిర్మలదుకూలధరం ముకుంద-
-కాలాంతకప్రతినిధిం ప్రణతోఽస్మి నిత్యం || 6 ||
యత్పాదపంకజయుగం మునయోఽప్యజస్రం
భక్త్యా భజంతి భవరోగనివారణాయ |
పుత్రం పురాంతకమురాంతకయోరుదారం
నిత్యం నమాంయహమమిత్రకులాంతకం తం || 7 ||
కాంతం కలాయకుసుమద్యుతిలోభనీయ-
-కాంతిప్రవాహవిలసత్కమనీయరూపం |
కాంతాతనూజసహితం నిఖిలామయౌఘ-
-శాంతిప్రదం ప్రమథనాథమహం నమామి || 8 ||
భూతేశ భూరికరుణామృతపూరపూర్ణ-
-వారాన్నిధే వరద భక్తజనైకబంధో |
పాయాద్భవాన్ ప్రణతమేనమపారఘోర-
-సంసారభీతమిహ మామఖిలామయేభ్యః || 9 ||
హే భూతనాథ భగవన్ భవదీయచారు-
-పాదాంబుజే భవతు భక్తిరచంచలా మే |
నాథాయ సర్వజగతాం భజతాం భవాబ్ధి-
-పోతాయ నిత్యమఖిలాంగభువే నమస్తే || 10 ||
ఇతి శ్రీ ధర్మశాస్తా స్తుతి దశకం ||
Sri Dharma Sastha Stuti Dasakam pdf download – శ్రీ ధర్మశాస్తా స్తుతి దశకం
Author
Nagaraju Gajula
నాగరాజు గాజుల ఒక ప్రామాణిక రచయిత మరియు 'స్క్రీన్ రైటర్స్ అసోసియేషన్ ఆఫ్ ఇండియా'లో ఫెలో మెంబర్ (Fellow Member). హిందూ ధర్మం, భక్తి, మరియు సామాజిక-ఫాంటసీ (socio-fantasy) అంశాలపై ఆయనకు అపారమైన అనుభవం, లోతైన అవగాహన ఉన్నాయి. "ది హిందూ మ్యాట్రిక్స్" (The Hindu Matrix) అనే ఆధ్యాత్మిక పుస్తక రచయితగా ఆయనకు మంచి గుర్తింపు ఉంది. ధార్మిక విషయాలను, మతపరమైన కల్పనలను (religious fiction) నిశితంగా అధ్యయనం చేసి, పాఠకులకు అత్యంత విశ్వసనీయమైన భక్తి సమాచారాన్ని అందించడంలో ఆయన నిపుణుడు.
