శ్రీశుక ఉవాచ |
మహాదేవ మహాదేవ దేవదేవ మహేశ్వర |
దత్తాత్రేయస్తవం దివ్యం శ్రోతుమిచ్ఛాంయహం ప్రభో || 1 ||
తదస్య వద మాహాత్ంయం దేవదేవ దయానిధే |
దత్తాత్పరతరం నాస్తి పురా వ్యాసేన కీర్తితం || 2 ||
జగద్గురుర్జగన్నాథో గీయతే నారదాదిభిః |
తత్సర్వం బ్రూహి మే దేవ కరుణాకర శంకర || 3 ||
శ్రీమహాదేవ ఉవాచ |
శృణు వ్యాసాత్మజాత త్వం గుహ్యాద్గుహ్యతరం మహత్ | [దివ్యం] యస్య స్మరణమాత్రేణ ముచ్యతే సర్వబంధనాత్ || 4 ||
దత్తం సనాతనం బ్రహ్మ నిర్వికారం నిరంజనం |
ఆదిదేవం నిరాకారం వ్యక్తం గుణవివర్జితం || 5 ||
నామరూపక్రియాతీతం నిఃసంగం దేవవందితం |
నారాయణం శివం శుద్ధం దృశ్యదర్శనవర్జితం || 6 ||
పరేశం పార్వతీకాంతం రమాధీశం దిగంబరం |
నిర్మలో నిత్యతృప్తాత్మా నిత్యానందో మహేశ్వరః || 7 ||
బ్రహ్మా విష్ణుః శివః సాక్షాద్గోవిందో గతిదాయకః |
పీతాంబరధరో దేవో మాధవః సురసేవితః || 8 ||
మృత్యుంజయో మహారుద్రః కార్తవీర్యవరప్రదః |
ఓమిత్యేకాక్షరం బీజం క్షరాక్షరపదం హరిః || 9 ||
గయా కాశీ కురుక్షేత్రం ప్రయాగం బద్రికాశ్రమం |
ఏతత్సర్వం కృతం తేన దత్త ఇత్యక్షరద్వయం || 10 ||
గోమతీ జాహ్నవీ భీమా గండకీ చ సరస్వతీ |
ఏతత్సర్వం కృతం తేన దత్త ఇత్యక్షరద్వయం || 11 ||
సరయూస్తుంగభద్రా చ యమునా పయవాహినీ | [జల] ఏతత్సర్వం కృతం తేన దత్త ఇత్యక్షరద్వయం || 12 ||
తాంరపర్ణీ ప్రణీతా చ గౌతమీ తాపనాశినీ |
ఏతత్సర్వం కృతం తేన దత్త ఇత్యక్షరద్వయం || 13 ||
నర్మదా సింధు కావేరీ కృష్ణవేణీ తథైవ చ |
ఏతత్సర్వం కృతం తేన దత్త ఇత్యక్షరద్వయం || 14 ||
అవంతీ ద్వారకా మాయా మల్లినాథస్య దర్శనం |
ఏతత్సర్వం కృతం తేన దత్త ఇత్యక్షరద్వయం || 15 ||
ద్వాదశ జ్యోతిర్లింగాని వారాహే పుష్కరే తథా |
ఏతత్సర్వం కృతం తేన దత్త ఇత్యక్షరద్వయం || 16 ||
జ్వాలాముఖీ హింగులా చ సప్తశృంగస్తథైవ చ |
ఏతత్సర్వం కృతం తేన దత్త ఇత్యక్షరద్వయం || 17 ||
అయోధ్యా మథురా కాంచీ రేణుకా సేతుబంధనం |
ఏతత్సర్వం కృతం తేన దత్త ఇత్యక్షరద్వయం || 18 ||
అహోబిలం త్రిపథగాం గంగా సాగరమేవ చ |
ఏతత్సర్వం కృతం తేన దత్త ఇత్యక్షరద్వయం || 19 ||
కరవీరమహాస్థానం రంగనాథం తథైవ చ |
ఏతత్సర్వం కృతం తేన దత్త ఇత్యక్షరద్వయం || 20 ||
ఏకాదశీవ్రతం చైవ అష్టాంగైర్యోగసాధనం |
ఏతత్సర్వం కృతం తేన దత్త ఇత్యక్షరద్వయం || 21 ||
శాకంభరీ చ మూకాంబా కార్తికస్వామిదర్శనం |
ఏతత్సర్వం కృతం తేన దత్త ఇత్యక్షరద్వయం || 22 ||
వ్రతం నిష్ఠా తపో దానం సామగానం తథైవ చ |
ఏతత్సర్వం కృతం తేన దత్త ఇత్యక్షరద్వయం || 23 ||
ముక్తిక్షేత్రం చ కామాక్షీ తులజా సిద్ధిదేవతా |
ఏతత్సర్వం కృతం తేన దత్త ఇత్యక్షరద్వయం || 24 ||
అన్నహోమాదికం దానం మేదిన్యశ్వ గజాన్ వృషాన్ |
ఏతత్సర్వం కృతం తేన దత్త ఇత్యక్షరద్వయం || 25 ||
మాఘకార్తికయోః స్నానం సన్యాసం బ్రహ్మచర్యకం |
ఏతత్సర్వం కృతం తేన దత్త ఇత్యక్షరద్వయం || 26 ||
అశ్వమేధసహస్రాణి మాతాపితృప్రపోషణం |
ఏతత్సర్వం కృతం తేన దత్త ఇత్యక్షరద్వయం || 27 ||
అమితం పోషణం పుణ్యముపకారం తథైవ చ |
ఏతత్సర్వం కృతం తేన దత్త ఇత్యక్షరద్వయం || 28 ||
జగన్నాథం చ గోకర్ణం పాండురంగం తథైవ చ |
ఏతత్సర్వం కృతం తేన దత్త ఇత్యక్షరద్వయం || 29 ||
సర్వదేవనమస్కారః సర్వే యజ్ఞాః ప్రకీర్తితాః |
ఏతత్సర్వం కృతం తేన దత్త ఇత్యక్షరద్వయం || 30 ||
శాస్త్రషట్కం పురాణాని అష్టౌ వ్యాకరణాని చ |
ఏతత్సర్వం కృతం తేన దత్త ఇత్యక్షరద్వయం || 31 ||
సావిత్రీ ప్రణవం జప్త్వా చతుర్వేదాంశ్చ పారగాః |
ఏతత్సర్వం కృతం తేన దత్త ఇత్యక్షరద్వయం || 32 ||
కన్యాదానాని పుణ్యాని వానప్రస్థస్య పోషణం |
ఏతత్సర్వం కృతం తేన దత్త ఇత్యక్షరద్వయం || 33 ||
వాపీ కూప తటాకాని కాననారోపణాని చ |
ఏతత్సర్వం కృతం తేన దత్త ఇత్యక్షరద్వయం || 34 ||
అశ్వత్థ తులసీ ధాత్రీ సేవతే యో నరః సదా |
ఏతత్సర్వం కృతం తేన దత్త ఇత్యక్షరద్వయం || 35 ||
శివం విష్ణుం గణేశం చ శక్తిం సూర్యం చ పూజనం |
ఏతత్సర్వం కృతం తేన దత్త ఇత్యక్షరద్వయం || 36 ||
గోహత్యాదిసహస్రాణి బ్రహ్మహత్యాస్తథైవ చ |
ప్రాయశ్చిత్తం కృతం తేన దత్త ఇత్యక్షరద్వయం || 37 ||
స్వర్ణస్తేయం సురాపానం మాతుర్గమనకిల్బిషం |
ముచ్యతే సర్వపాపేభ్యో దత్త ఇత్యక్షరద్వయం || 38 ||
స్త్రీహత్యాదికృతం పాపం బాలహత్యాస్తథైవ చ |
ముచ్యతే సర్వపాపేభ్యో దత్త ఇత్యక్షరద్వయం || 39 ||
ప్రాయశ్చిత్తం కృతం తేన సర్వపాపప్రణాశనం |
బ్రహ్మత్వం లభతే జ్ఞానం దత్త ఇత్యక్షరద్వయం || 40 ||
కలిదోషవినాశార్థం జపేదేకాగ్రమానసః |
శ్రీగురుం పరమానందం దత్త ఇత్యక్షరద్వయం || 41 ||
దత్త దత్త ఇదం వాక్యం తారకం సర్వదేహినాం |
శ్రద్ధాయుక్తో జపేన్నిత్యం దత్త ఇత్యక్షరద్వయం || 42 ||
కేశవం మాధవం విష్ణుం గోవిందం గోపతిం హరిం |
గురూణాం పఠ్యతే నిత్యం తత్సర్వం చ శుభావహం || 43 ||
నిరంజనం నిరాకారం దేవదేవం జనార్దనం |
మాయాముక్తం జపేన్నిత్యం పావనం సర్వదేహినాం || 44 ||
ఆదినాథం సురశ్రేష్ఠం కృష్ణం శ్యామం జగద్గురుం |
సిద్ధరాజం గుణాతీతం రామం రాజీవలోచనం || 45 ||
నారాయణం పరం బ్రహ్మ లక్ష్మీకాంతం పరాత్పరం |
అప్రమేయం సురానందం నమో దత్తం దిగంబరం || 46 ||
యోగిరాజోఽత్రివరదః సురాధ్యక్షో గుణాంతకః |
అనసూయాత్మజో దేవో దేవతాగతిదాయకః || 47 ||
గోపనీయం ప్రయత్నేన అయం సురమునీశ్వరైః |
సమస్తఋషిభిః సర్వైః భక్త్యా స్తుత్వా మహాత్మభిః || 48 ||
నారదేన సురేంద్రేణ సనకాద్యైర్మహాత్మభిః |
గౌతమేన చ గార్గేణ వ్యాసేన కపిలేన చ || 49 ||
వామదేవేన దక్షేణ అత్రి భార్గవ ముద్గలైః |
వసిష్ఠప్రముఖైః సర్వైః గీయతే సర్వదాదరాత్ || 50 ||
వినాయకేన రుద్రేణ మహాసేనేన వై సదా |
మార్కండేయేన ధౌంయేన కీర్తితం స్తవముత్తమం || 51 ||
మరీచ్యాదిమునీంద్రైశ్చ శుకకర్దమసత్తమైః |
అంగిరాకృత పౌలస్త్య భృగు కశ్యప జైమినీ || 52 ||
గురోః స్తవమధీయానో విజయీ సర్వదా భవేత్ |
గురోః సాయుజ్యమాప్నోతి గురోర్నామ పఠేద్బుధః || 53 ||
గురోః పరతరం నాస్తి సత్యం సత్యం న సంశయః |
గురోః పాదోదకం పీత్వా గురోర్నామ సదా జపేత్ || 54 ||
తేఽపి సన్న్యాసినో జ్ఞేయాః ఇతరే వేషధారిణః |
గంగాద్యాః సరితః సర్వే గురోః పాదాంబుజే సదా || 55 ||
గురుస్తవం న జానాతి గురునామ ముఖే న హి |
పశుతుల్యం విజానీయాత్ సత్యం సత్యం మహామునే || 56 ||
ఇదం స్తోత్రం మహద్దివ్యం స్తవరాజం మనోహరం |
పఠనాచ్ఛ్రవణాద్వాపి సర్వాన్ కామానవాప్నుయాత్ || 57 ||
ఇతి శ్రీరుద్రయామలే శ్రీమన్మహాదేవశుకసంవాదే శ్రీ దత్తాత్రేయ స్తవరాజః |