Sri Dakshinamurthy Nakshatramala Stotram pdf download – శ్రీ దక్షిణాస్య నక్షత్రమాలా స్తోత్రం

శ్రీకంఠమింద్వర్భకభాసిచూడం
శ్రీజ్ఞానదానవ్రతబద్ధదీక్షం |
శ్రీశాంబుజన్మప్రభవాదిపూజ్యం
శ్రీదక్షిణాస్యం హృది భావయేఽహం || 1 ||
హరంతమానంరజనానుతాపం
హయేభవక్త్రేడితపాదపద్మం |
హృదా మునీంద్రైః పరిచింత్యమానం
శ్రీదక్షిణాస్యం హృది భావయేఽహం || 2 ||
హస్తాబ్జరాజద్వరపుస్తముద్రా-
-ముక్తాక్షమాలామృతపూర్ణకుంభం |
హరిద్ధవాకాంక్షితపాదసేవం
శ్రీదక్షిణాస్యం హృది భావయేఽహం || 3 ||
హంసాగ్నిచంద్రేక్షణమంధకారి-
-మాకారనిర్ధూతమనోజగర్వం |
హృతాదిమాజ్ఞానమగోద్భవేశం
శ్రీదక్షిణాస్యం హృది భావయేఽహం || 4 ||
హత్వా పురా కాలమఖర్వగర్వం
మృకండుసూనోః పరిరక్షణం యః |
చకార కారుణ్యవశాత్తమేనం
శ్రీదక్షిణాస్యం హృది భావయేఽహం || 5 ||
హృత్వా తమః సత్వరమేవ హార్దం
దత్వా చ బోధం పరమార్థసంస్థం |
మోక్షం దదాత్యాశు నతాయ యస్తం
శ్రీదక్షిణాస్యం హృది భావయేఽహం || 6 ||
హసన్ముఖాంభోరుహమిందుకుంద-
-నీకాశదంతావళిశోభమానం |
రదాంబరాధఃకృతపక్వబింబం
శ్రీదక్షిణాస్యం హృది భావయేఽహం || 7 ||
హేలాలవాన్నిర్మితవిశ్వబృందం
బాలారుణాభాంఘ్రియుగం దయాళుం |
పశ్యంతముత్సంగగతం షడాస్యం
శ్రీదక్షిణాస్యం హృది భావయేఽహం || 8 ||
హ్రీమాన్భవేద్దేవగురుర్యదీయ-
-పాదాబ్జసంసేవకలోకవాచా |
తం దివ్యవాగ్దానధురీణమాశు
శ్రీదక్షిణాస్యం హృది భావయేఽహం || 9 ||
హారాయితాహీశమనంగగర్వ-
-భంగప్రగల్భాన్ప్రణతానశేషాన్ |
కుర్వంతమిష్టప్రదమష్టమూర్తిం
శ్రీదక్షిణాస్యం హృది భావయేఽహం || 10 ||
హరిర్జహారాచలకన్యకా చ
యద్వర్ష్మణోఽర్ధం తపసా హి పూర్వం |
అతోఽశరీరం తమశేషసంస్థం
శ్రీదక్షిణాస్యం హృది భావయేఽహం || 11 ||
హన్యాదశేషం కలుషం యదంఘ్రి-
-పూజా ప్రదద్యాదపి సర్వమిష్టం |
తం పార్వతీమానసరాజహంసం
శ్రీదక్షిణాస్యం హృది భావయేఽహం || 12 ||
హఠాదియోగాన్ ప్రవిధాయ చిత్త-
-స్థైర్యం ప్రపద్యాంఘ్రియుగం యదీయం |
ధ్యాయంతి యోగిప్రవరా ముదా తం
శ్రీదక్షిణాస్యం హృది భావయేఽహం || 13 ||
హితోపదేష్టా దయయా నతానాం
నిసర్గయా యో యమినాం జవాద్ధి |
న్యగ్రోధమూలైకనికేతనం తం
శ్రీదక్షిణాస్యం హృది భావయేఽహం || 14 ||
హతారిషట్కైరనుభూయమానం
నితాంతమానందఘనస్వరూపం |
నతాపరాధాన్సహమానమీశం
శ్రీదక్షిణాస్యం హృది భావయేఽహం || 15 ||
హిత్వా ధనాపత్యకలత్రబంధూన్
దత్త్వాభయం భూతతతేర్ద్విజాగ్ర్యాః |
యం యాంతి లోకే శరణం సదా తం
శ్రీదక్షిణాస్యం హృది భావయేఽహం || 16 ||
హృదంబుజాతే వినివేశ్య చిత్తం
నిరుధ్య చక్షుఃప్రముఖాక్షవర్గం |
ధ్యాయంతి యం శైలసుతాయుతం తం
శ్రీదక్షిణాస్యం హృది భావయేఽహం || 17 ||
హాసప్రభానిర్జితభాభిమానం
ప్రాసార్థజుష్టాం కవితాం దిశంతం |
నతోత్తమాంగేషు కరం దధానం
శ్రీదక్షిణాస్యం హృది భావయేఽహం || 18 ||
హైయ్యంగవీనం హృదయంరదింనా
స్వరేణ హంసం చరణేన పద్మం |
హసంతమంసాగ్రలసజ్జటాలం
శ్రీదక్షిణాస్యం హృది భావయేఽహం || 19 ||
హరేర్విధేశ్చైవ వివాదశాంత్యై
లింగాత్మనా యః ప్రబభూవ పూర్వం |
తమాదిమధ్యాంతవిహీనరూపం
శ్రీదక్షిణాస్యం హృది భావయేఽహం || 20 ||
హుతాశనాదిత్యమహీప్రముఖ్యా
యస్యాష్టమూర్తీర్నిజగాద వేదః |
తం సర్వలోకావనసక్తచిత్తం
శ్రీదక్షిణాస్యం హృది భావయేఽహం || 21 ||
హస్త్యంతలక్ష్మీమపి దీనవర్యః
ప్రాప్నోతి యత్పాదసరోజనత్యా |
తం కల్పవల్లీమదభంగదక్షం
శ్రీదక్షిణాస్యం హృది భావయేఽహం || 22 ||
హయాగ్ర్యమారుహ్య గజోత్తమం వా
సమేత్య యత్పాదయుగార్చకాయ |
యచ్ఛంతి రాజ్యం ధరణీధవాస్తం
శ్రీదక్షిణాస్యం హృది భావయేఽహం || 23 ||
హవీంషి సంజుహ్వతి భూసురాగ్ర్యాః
కాలేషు వహ్నౌ యదనుగ్రహార్థం |
కర్మానుగుణ్యేన ఫలప్రదం తం
శ్రీదక్షిణాస్యం హృది భావయేఽహం || 24 ||
హేత్యా లలాటస్థశుచేర్మహాఘ-
-వనం దహంతం తరసైవ మోదాత్ |
కుర్వంతమారాన్నతచిత్తశుద్ధిం
శ్రీదక్షిణాస్యం హది భావయేఽహం || 25 ||
హేమాశ్మనోః సాంయమతిం కరోతి
యత్పాదపాథోరుహసక్తచిత్తః |
వైరాగ్యదానైకధురంధరం తం
శ్రీదక్షిణాస్యం హృది భావయేఽహం || 26 ||
హాలాస్యగోకర్ణముఖేషు దివ్య-
-క్షేత్రేషు వాసం కృపయా కరోతి |
యః పాదనంరోద్ధతయే సదా తం
శ్రీదక్షిణాస్యం హృది భావయేఽహం || 27 ||
హంసేన కేనాపి పరాదినేమాం
కృతాం ప్రయత్నాదతిమోదతశ్చ |
నక్షత్రమాలాం దధతాం నరాణాం
కంఠే భవిష్యత్యచిరాత్పరాప్తిః || 28 ||
ఇతి శ్రీజగద్గురు శ్రీసచ్చిదానంద శివాభినవ నృసింహ భారతీ స్వామిభిః విరచితం శ్రీ దక్షిణాస్య నక్షత్రమాలా స్తోత్రం |