Sri Bhramarambika Ashtakam (Sri Kantarpita) pdf download – శ్రీ భ్రమరాంబికాష్టకం (శ్రీకంఠార్పిత)

శ్రీకంఠార్పితపత్రగండయుగళాం సింహాసనాధ్యాసినీం
లోకానుగ్రహకారిణీం గుణవతీం లోలేక్షణాం శాంకరీం |
పాకారిప్రముఖామరార్చితపదాం మత్తేభకుంభస్తనీం
శ్రీశైలభ్రమరాంబికాం భజ మనః శ్రీశారదాసేవితాం || 1 ||
వింధ్యాద్రీంద్రగృహాంతరే నివసితాం వేదాంతవేద్యానిధిం
మందారద్రుమపుష్పవాసితకుచాం మాయాం మహామాయినీం |
బంధూకప్రసవోజ్జ్వలారుణనిభాం పంచాక్షరీరూపిణీం
శ్రీశైలభ్రమరాంబికాం భజ మనః శ్రీశారదాసేవితాం || 2 ||
మాద్యచ్ఛుంభనిశుంభమేఘపటలప్రధ్వంసఝంఝానిలాం
కౌమారీం మహిషాఖ్యశుష్కవిటపీధూమోరుదావానలాం |
చక్రాద్యాయుధసంగ్రహోజ్జ్వలకరాం చాముండికాధీశ్వరీం
శ్రీశైలభ్రమరాంబికాం భజ మనః శ్రీశారదాసేవితాం || 3 ||
దృక్కంజాతవిలాసకల్పితసరోజాతోరుశోభాన్వితాం
నక్షత్రేశ్వరశేఖరప్రియతమాం దేవీం జగన్మోహినీం |
రంజన్మంగళదాయినీం శుభకరీం రాజత్స్వరూపోజ్జ్వలాం
శ్రీశైలభ్రమరాంబికాం భజ మనః శ్రీశారదాసేవితాం || 4 ||
కేళీమందిరరాజతాచలతలాం సంపూర్ణచంద్రాననాం
యోగీంద్రైర్నుతపాదపంకజయుగాం రత్నాంబరాలంకృతాం |
స్వర్గావాససరోజపత్రనయనాభీష్టప్రదాం నిర్మలాం
శ్రీశైలభ్రమరాంబికాం భజ మనః శ్రీశారదాసేవితాం || 5 ||
సంసారార్ణవతారకాం భగవతీం దారిద్ర్యవిధ్వంసినీం
సంధ్యాతాండవకేళికాం ప్రియసతీం సద్భక్తకామప్రదాం |
శింజన్నూపురపాదపంకజయుగాం బింబాధరాం శ్యామలాం
శ్రీశైలభ్రమరాంబికాం భజ మనః శ్రీశారదాసేవితాం || 6 ||
చంచత్కాంచనరత్నచారుకటకాం సర్వం సహావల్లభాం
కాంచీకాంచనఘంటికాఘణఘణాం కంజాతపత్రేక్షణాం |
సారోదారగుణాంచితాం పురహరప్రాణేశ్వరీం శాంభవీం
శ్రీశైలభ్రమరాంబికాం భజ మనః శ్రీశారదాసేవితాం || 7 ||
బ్రహ్మర్షీశ్వరవంద్యపాదకమలాం పంకేరుహాక్షస్తుతాం
ప్రాలేయాచలవంశపావనకరీం శృంగారభూషానిధిం |
తత్త్వాతీతమహాప్రభాం విజయినీం దాక్షాయిణీం భైరవీం
శ్రీశైలభ్రమరాంబికాం భజ మనః శ్రీశారదాసేవితాం || 8 ||
భ్రమరాంబా మహాదేవ్యాః అష్టకం సర్వసిద్ధిదం |
శత్రూణాం తు నరాణాం చ ధ్వంసనం తద్వదాంయహం || 9 ||
ఇతి శ్రీదూర్వాసవిరచితం శ్రీభ్రమరాంబికాష్టకం |