శ్రీవిష్ణుపుత్రం శివదివ్యబాలం
మోక్షప్రదం దివ్యజనాభివంద్యం |
కైలాసనాథప్రణవస్వరూపం
శ్రీభూతనాథం మనసా స్మరామి || 1 ||
అజ్ఞానఘోరాంధధర్మప్రదీపం
ప్రజ్ఞానదానప్రణవం కుమారం |
లక్ష్మీవిలాసైకనివాసరంగం
శ్రీభూతనాథం మనసా స్మరామి || 2 ||
లోకైకవీరం కరుణాతరంగం
సద్భక్తదృశ్యం స్మరవిస్మయాంగం |
భక్తైకలక్ష్యం స్మరసంగభంగం
శ్రీభూతనాథం మనసా స్మరామి || 3 ||
లక్ష్మీ తవ ప్రౌఢమనోహరశ్రీ-
-సౌందర్యసర్వస్వవిలాసరంగం |
ఆనందసంపూర్ణకటాక్షలోలం
శ్రీభూతనాథం మనసా స్మరామి || 4 ||
పూర్ణకటాక్షప్రభయావిమిశ్రం
సంపూర్ణసుస్మేరవిచిత్రవక్త్రం |
మాయావిమోహప్రకరప్రణాశం
శ్రీభూతనాథం మనసా స్మరామి || 5 ||
విశ్వాభిరామం గుణపూర్ణవర్ణం
దేహప్రభానిర్జితకామదేవం |
కుపేట్యదుఃఖర్వవిషాదనాశం
శ్రీభూతనాథం మనసా స్మరామి || 6 ||
మాలాభిరామం పరిపూర్ణరూపం
కాలానురూపప్రకటావతారం |
కాలాంతకానందకరం మహేశం
శ్రీభూతనాథం మనసా స్మరామి || 7 ||
పాపాపహం తాపవినాశమీశం
సర్వాధిపత్యపరమాత్మనాథం |
శ్రీసూర్యచంద్రాగ్నివిచిత్రనేత్రం
శ్రీభూతనాథం మనసా స్మరామి || 8 ||