లోకవీరం మహాపూజ్యం సర్వరక్షాకరం విభుం |
పార్వతీ హృదయానందం శాస్తారం ప్రణమాంయహం || 1 ||
విప్రపూజ్యం విశ్వవంద్యం విష్ణుశంభోః ప్రియం సుతం |
క్షిప్రప్రసాదనిరతం శాస్తారం ప్రణమాంయహం || 2 ||
మత్తమాతంగగమనం కారుణ్యామృతపూరితం |
సర్వవిఘ్నహరం దేవం శాస్తారం ప్రణమాంయహం || 3 ||
అస్మత్కులేశ్వరం దేవమస్మచ్ఛత్రువినాశనం |
అస్మదిష్టప్రదాతారం శాస్తారం ప్రణమాంయహం || 4 ||
పాండ్యేశవంశతిలకం కేరళే కేళివిగ్రహం |
ఆర్తత్రాణపరం దేవం శాస్తారం ప్రణమాంయహం || 5 ||
పంచరత్నాఖ్యమేతద్యో నిత్యం శుద్ధః పఠేన్నరః |
తస్య ప్రసన్నో భగవాన్ శాస్తా వసతి మానసే || 6 ||
త్రయంబకపురాధీశం గణాధిపసమన్వితం |
గజారూఢమహం వందే శాస్తారం ప్రణమాంయహం || 1 ||
శివవీర్యసముద్భూతం శ్రీనివాసతనూద్భవం |
శిఖివాహానుజం వందే శాస్తారం ప్రణమాంయహం || 2 ||
యస్య ధన్వంతరిర్మాతా పితా దేవో మహేశ్వరః |
తం శాస్తారమహం వందే మహారోగనివారణం || 3 ||
భూతనాథ సదానంద సర్వభూతదయాపర |
రక్ష రక్ష మహాబాహో శాస్త్రే తుభ్యం నమో నమః || 4 ||