సింహశైలనివాసాయ సింహసూకరరూపిణే |
శ్రీవరాహనృసింహాయ సింహాద్రీశాయ మంగళం || 1 ||
యజ్ఞేశాయ మహేశాయ సురేశాయ మహాత్మనే |
శ్రీవరాహనృసింహాయ సింహాద్రీశాయ మంగళం || 2 ||
అక్షయాయాఽప్రమేయాయ నిధయే అక్షరాయ చ |
శ్రీవరాహనృసింహాయ సింహాద్రీశాయ మంగళం || 3 ||
చందనాంకితగాత్రాయ పోత్రిణే పరమాత్మనే |
శ్రీవరాహనృసింహాయ సింహాద్రీశాయ మంగళం || 4 ||
శ్రీఅక్షయతృతీయాయాం నిజరూపధరాయ చ |
శ్రీవరాహనృసింహాయ సింహాద్రీశాయ మంగళం || 5 ||
యతీశ్వరేణార్చితాయ గతయే సర్వసాక్షిణే |
శ్రీవరాహనృసింహాయ సింహాద్రీశాయ మంగళం || 6 ||
సప్తోత్తరశతేయజ్ఞే స్వస్వరూపధరాయ చ |
శ్రీవరాహనృసింహాయ సింహాద్రీశాయ మంగళం || 7 ||
విశాఖాయ సుశాఖాయ సాగరాయాచలాయ చ |
శ్రీవరాహనృసింహాయ సింహాద్రీశాయ మంగళం || 8 ||
శ్రీభూనీళాసమేతాయ భక్తానాం కామధేనవే |
శ్రీవరాహనృసింహాయ సింహాద్రీశాయ మంగళం || 9 ||
యజ్ఞాయ యజ్ఞరూపాయ యజ్ఞినే యజ్ఞసాక్షిణే |
శ్రీవరాహనృసింహాయ సింహాద్రీశాయ మంగళం || 10 ||
పద్మనాభాయ దేవాయ పద్మగర్భాయ పద్మినే |
శ్రీవరాహనృసింహాయ సింహాద్రీశాయ మంగళం || 11 ||
ముక్కూర్ నృసింహదాసేన సింహాద్రీశస్య మంగళం |
శ్రీరంగయోగికృపయా ప్రోక్తం సర్వార్థదాయకం || 12 ||
ఇతి శ్రీముక్కూర్ లక్ష్మీనృసింహస్వామినా అనుగృహీతం శ్రీ సింహాచల వరాహనృసింహ మంగళం ||