దేవర్షయ ఊచుః |
నమస్తే గజవక్త్రాయ గణేశాయ నమో నమః |
అనంతానందభోక్త్రే వై బ్రహ్మణే బ్రహ్మరూపిణే || 1 ||
ఆదిమధ్యాంతహీనాయ చరాచరమయాయ తే |
అనంతోదరసంస్థాయ నాభిశేషాయ తే నమః || 2 ||
కర్త్రే పాత్రే చ సంహర్త్రే త్రిగుణానామధీశ్వర |
సర్వసత్తాధరాయైవ నిర్గుణాయ నమో నమః || 3 ||
సిద్ధిబుద్ధిపతే తుభ్యం సిద్ధిబుద్ధిప్రదాయ చ |
బ్రహ్మభూతాయ దేవేశ సగుణాయ నమో నమః || 4 ||
పరశుం దధతే తుభ్యం కమలేన ప్రశోభినే |
పాశాభయధరాయైవ మహోదర నమో నమః || 5 ||
మూషకారూఢదేవాయ మూషకధ్వజినే నమః |
ఆదిపూజ్యాయ సర్వాయ సర్వపూజ్యాయ తే నమః || 6 ||
గుణసంయుక్తకాయాయ నిర్గుణాత్మకమస్తక |
తయోరభేదరూపేణ చైకదంతాయ తే నమః || 7 ||
వేదాంతగోచరాయైవ వేదాంతాలభ్యకాయ తే |
యోగాధీశాయ వై తుభ్యం బ్రహ్మాధీశాయ తే నమః || 8 ||
అపారగుణధారాయానంతమాయాప్రచాలక |
నానావతారభేదాయ శాంతిదాయ నమో నమః || 9 ||
వయం ధన్యా వయం ధన్యా యైర్దృష్టో గణనాయకః |
బ్రహ్మభూయమయః సాక్షాత్ ప్రత్యక్షం పురతః స్థితః || 10 ||
ఏవం స్తుత్వా ప్రహర్షేణ ననృతుర్భక్తిసంయుతాః |
సాశ్రునేత్రాన్ సరోమాంచాన్ దృష్ట్వా తాన్ ఢుంఢిరబ్రవీత్ || 11 ||
ఏకదంత ఉవాచ |
వరం వృణుత దేవేశా మునయశ్చ యథేప్సితం |
దాస్యామి తం న సందేహో భవేద్యద్యపి దుర్లభః || 12 ||
భవత్కృతం మదీయం యత్ స్తోత్రం సర్వార్థదం భవేత్ |
పఠతే శ్రుణ్వతే దేవా నానాసిద్ధిప్రదం ద్విజాః || 13 ||
శత్రునాశకరం చైవాంతే స్వానందప్రదాయకం |
పుత్రపౌత్రాదికం సర్వం లభతే పాఠతో నరః || 14 ||
ఇతి శ్రీమన్ముద్గలపురాణే ద్వితీయేఖండే ఏకదంతచరితే ద్విపంచాశత్తమోఽధ్యాయే ఏకదంతస్తోత్రం సంపూర్ణం |
Shatru Samharaka Ekadanta Stotram pdf download – శత్రుసంహారక ఏకదంత స్తోత్రం
Author
Pavan Teja
పవన్ తేజ రచయితగా సినిమాలు, రాజకీయం, ఆరోగ్యం, వ్యాయామం, అందం, ధర్మం, విజ్ఞాన శాస్త్రం, సాంకేతికత, డబ్బు సంపాదించే మార్గాలు, ఆంగ్లం నుండి తెలుగు అనువాదం మొదలైన అంశాలలో అనుభవం పొందాడు. అతను గతంలో తెలుగు సినిమా విశ్లేషకుడిగా పని చేశాడు. ప్రస్తుతం అసిస్టెంట్ డైరెక్టర్ గా పనిచేస్తున్నాడు.
