Rudropanishad pdf download – రుద్రోపనిషత్

విశ్వమయో బ్రాహ్మణః శివం వ్రజతి | బ్రాహ్మణః పఞ్చాక్షరమనుభవతి | బ్రాహ్మణః శివపూజారతః | శివభక్తివిహీనశ్చేత్ స చణ్డాల ఉపచణ్డాలః | చతుర్వేదజ్ఞోఽపి శివభక్త్యాన్తర్భవతీతి స ఏవ బ్రాహ్మణః | అధమశ్చాణ్డాలోఽపి శివభక్తోఽపి బ్రాహ్మణాచ్ఛ్రేష్ఠతరః | బ్రాహ్మణస్త్రిపుణ్డ్రధృతః | అత ఏవ బ్రాహ్మణః | శివభక్తేరేవ బ్రాహ్మణః | శివలిఙ్గార్చనయుతశ్చాణ్డాలోఽపి స ఏవ బ్రాహ్మణాధికోవతి | అగ్నిహోత్రభసితాచ్ఛివభక్తచాణ్డాలహస్తవిభూతిః శుద్ధా | కపిశా వా శ్వేతజాపి ధూంరవర్ణా వా | విరక్తానాం తపస్వినాం శుద్ధా | గృహస్థానాం నిర్మలవిభూతిః | తపస్విభిః సర్వభస్మ ధార్యం | యద్వా శివభక్తిసంపుష్టం సదాపి తద్భసితం దేవతాధార్యం ||
ఓం అగ్నిరితి భస్మ | వాయురితి భస్మ | స్థలమితి భస్మ | జలమితి భస్మ | వ్యోమేతి భస్మ ఇత్యాద్యుపనిషత్కారణాత్ తత్ కార్యం | అన్యత్ర “విశ్వతశ్చక్షురుత విశ్వతోముఖో విశ్వతోహస్త ఉత విశ్వతస్పాత్ | సం బాహుభ్యాం నమతి సం పతత్రైర్ద్యావాపృథివీ జనయన్ దేవ ఏకః | “తస్మాత్ప్రాణలిఙ్గీ శివః | శివ ఏవ ప్రాణలిఙ్గీ | జటాభస్మధారోఽపి ప్రాణలిఙ్గీ హి శ్రేష్ఠః | ప్రాణలిఙ్గీ శివరూపః | శివరూపః ప్రాణలిఙ్గీ | జఙ్గమరూపః శివః | శివ ఏవ జఙ్గమరూపః | ప్రాణలిఙ్గినాం శుద్ధసిద్ధిర్న భవతి | ప్రాణలిఙ్గినాం జఙ్గమపూజ్యానాం పూజ్యతపస్వినామధికశ్చణ్డాలోఽపి ప్రాణలిఙ్గీ | తస్మాత్ప్రాణలిఙ్గీ విశేష ఇత్యాహ | య ఏవం వేద స శివః | శివ ఏవ రుద్రః ప్రాణలిఙ్గీ నాన్యో భవతి ||
ఓం ఆత్మా పరశివద్వయో గురుః శివః | గురూణాం సర్వవిశ్వమిదం విశ్వమన్త్రేణ ధార్యం | దైవాధీనం జగదిదం | తద్దైవం తన్మన్త్రాత్ తనుతే | తన్మే దైవం గురురితి | గురూణాం సర్వజ్ఞానినాం గురుణా దత్తమేతదన్నం పరబ్రహ్మ | బ్రహ్మ స్వానుభూతిః | గురుః శివో దేవః | గురుః శివ ఏవ లిఙ్గం | ఉభయోర్మిశ్రప్రకాశత్వాత్ | ప్రాణవత్త్వాత్ మహేశ్వరత్వాచ్చ శివస్తదైవ గురుః | యత్ర గురుస్తత్ర శివః | శివగురుస్వరూపో మహేశ్వరః | భ్రమరకీటకార్యేణ దీక్షితాః శివయోగినః శివపూజాపథే గురుపూజావిధౌ చ మహేశ్వరపూజనాన్ముక్తాః | లిఙ్గాభిషేకం నిర్మాల్యం గురోరభిషేకతీర్థం మహేశ్వరపాదోదకం జన్మమాలిన్యం క్షాలయన్తి | తేషాం ప్రీతిః శివప్రీతిః | తేషాం తృప్తిః శివతృప్తిః | తైశ్చ పావనో వాసః | తేషాం నిరసనం శివనిరసనం | ఆనన్దపారాయణః | తస్మాచ్ఛివం వ్రజన్తు | గురుం వ్రజన్తు | ఇత్యేవ పావనం ||