శివ ఉవాచ |
పద్మాసనః పద్మకరః పద్మగర్భసమద్యుతిః |
సప్తాశ్వః సప్తరజ్జుశ్చ ద్విభుజః స్యాత్ సదా రవిః || 1 ||
శ్వేతః శ్వేతాంబరధరః శ్వేతాశ్వః శ్వేతవాహనః |
గదాపాణిర్ద్విబాహుశ్చ కర్తవ్యో వరదః శశీ || 2 ||
రక్తమాల్యాంబరధరః శక్తిశూలగదాధరః |
చతుర్భుజః రక్తరోమా వరదః స్యాద్ధరాసుతః || 3 ||
పీతమాల్యాంబరధరః కర్ణికారసమద్యుతిః |
ఖడ్గచర్మగదాపాణిః సింహస్థో వరదో బుధః || 3 ||
దేవదైత్యగురూ తద్వత్పీతశ్వేతౌ చతుర్భుజౌ |
దండినౌ వరదౌ కార్యౌ సాక్షసూత్రకమండలూ || 5 ||
ఇంద్రనీలద్యుతిః శూలీ వరదో గృధ్రవాహనః |
బాణబాణాసనధరః కర్తవ్యోఽర్కసుతస్తథా || 6 ||
కరాళవదనః ఖడ్గచర్మశూలీ వరప్రదః |
నీలసింహాసనస్థశ్చ రాహురత్ర ప్రశస్యతే || 7 ||
ధూంరా ద్విబాహవః సర్వే గదినో వికృతాననాః |
గృధ్రాసనగతా నిత్యం కేతవః స్యుర్వరప్రదాః || 8 ||
సర్వే కిరీటినః కార్యా గ్రహా లోకహితావహాః |
హ్యంగులేనోచ్ఛ్రితాః సర్వే శతమష్టోత్తరం సదా || 9 ||
ఇతి శ్రీమత్స్యే మహాపురాణే గ్రహరూపాఖ్యానం నామ చతుర్ణవతితమోఽధ్యాయః ||
Navagraha Swaroopa Varnanam pdf download – నవగ్రహ స్వరూప వర్ణనం
Author
Pavan Teja
పవన్ తేజ రచయితగా సినిమాలు, రాజకీయం, ఆరోగ్యం, వ్యాయామం, అందం, ధర్మం, విజ్ఞాన శాస్త్రం, సాంకేతికత, డబ్బు సంపాదించే మార్గాలు, ఆంగ్లం నుండి తెలుగు అనువాదం మొదలైన అంశాలలో అనుభవం పొందాడు. అతను గతంలో తెలుగు సినిమా విశ్లేషకుడిగా పని చేశాడు. ప్రస్తుతం అసిస్టెంట్ డైరెక్టర్ గా పనిచేస్తున్నాడు.
