Narada Kruta Ganapati Stotram pdf download – శ్రీ గణపతి స్తోత్రం (నారద కృతం)

నారద ఉవాచ |
భో గణేశ సురశ్రేష్ఠ లంబోదర పరాత్పర |
హేరంబ మంగళారంభ గజవక్త్ర త్రిలోచన || 1 ||
ముక్తిద శుభద శ్రీద శ్రీధరస్మరణే రత |
పరమానంద పరమ పార్వతీనందన స్వయం || 2 ||
సర్వత్ర పూజ్య సర్వేశ జగత్పూజ్య మహామతే |
జగద్గురో జగన్నాథ జగదీశ నమోఽస్తు తే || 3 ||
యత్పూజా సర్వపురతో యః స్తుతః సర్వయోగిభిః |
యః పూజితః సురేంద్రైశ్చ మునీంద్రైస్తం నమాంయహం || 4 ||
పరమారాధనేనైవ కృష్ణస్య పరమాత్మనః |
పుణ్యకేన వ్రతేనైవ యం ప్రాప పార్వతీ సతీ || 5 ||
తం నమామి సురశ్రేష్ఠం సర్వశ్రేష్ఠం గరీష్ఠక |
జ్ఞానిశ్రేష్ఠం వరిష్ఠం చ తం నమామి గణేశ్వరం || 6 ||
ఇత్యేవముక్త్వా దేవర్షిస్తత్రైవాంతర్దధే విభుః |
నారదః ప్రయయౌ శీఘ్రమీశ్వరాభ్యంతరం ముదా || 7 ||
ఇదం లంబోదరస్తోత్రం నారదేన కృతం పురా |
పూజాకాలే పఠేన్నిత్యం జయం తస్య పదే పదే || 8 ||
సంకల్పితం పఠేద్యో హి వర్షమేకం సుసంయతః |
విశిష్టపుత్రం లభతే పరం కృష్ణపరాయణం || 9 ||
యశస్వినం చ విద్వాంసం ధనినం చిరజీవినం |
విఘ్ననాశో భవేత్తస్య మహైశ్వర్యం యశోఽమలం |
ఇహైవ చ సుఖం భక్త్యా అంతే యాతి హరేః పదం || 10 ||
ఇతి శ్రీనారదపంచరాత్రే జ్ఞానామృతసారే ప్రథమైకరాత్రే గణపతిస్తోత్రం నామ సప్తమోఽధ్యాయః |