Sri Krishna Ashtakam (Vasudeva Sutam) pdf download – శ్రీ కృష్ణాష్టకం

వసుదేవసుతం దేవం కంసచాణూరమర్దనం |
దేవకీపరమానందం కృష్ణం వందే జగద్గురుం || 1 ||
అతసీపుష్పసంకాశం హారనూపురశోభితం |
రత్నకంకణకేయూరం కృష్ణం వందే జగద్గురుం || 2 ||
కుటిలాలకసంయుక్తం పూర్ణచంద్రనిభాననం |
విలసత్కుండలధరం కృష్ణం వందే జగద్గురుం || 3 ||
మందారగంధసంయుక్తం చారుహాసం చతుర్భుజం |
బర్హిపింఛావచూడాంగం కృష్ణం వందే జగద్గురుం || 4 ||
ఉత్ఫుల్లపద్మపత్రాక్షం నీలజీమూతసన్నిభం |
యాదవానాం శిరోరత్నం కృష్ణం వందే జగద్గురుం || 5 ||
రుక్మిణీకేళిసంయుక్తం పీతాంబరసుశోభితం |
అవాప్తతులసీగంధం కృష్ణం వందే జగద్గురుం || 6 ||
గోపికానాం కుచద్వంద్వకుంకుమాంకితవక్షసం |
శ్రీనికేతం మహేష్వాసం కృష్ణం వందే జగద్గురుం || 7 ||
శ్రీవత్సాంకం మహోరస్కం వనమాలావిరాజితం |
శంఖచక్రధరం దేవం కృష్ణం వందే జగద్గురుం || 8 ||
కృష్ణాష్టకమిదం పుణ్యం ప్రాతరుత్థాయ యః పఠేత్ |
కోటిజన్మకృతం పాపం స్మరణేన వినశ్యతి || 9 ||