కంటి శుక్రవారము గడియలేడింట |
అంటి అలమేల్మంగ అండనుండే స్వామిని ||
సొంములన్నీ కడబెట్టి సొంపుతో గోణముగట్టి
కంమని కదంబము కప్పు పన్నీరు |
చెంమతోన వేష్టువలు రొంముతల మొలజుట్టి
తుంమెద మై ఛాయతోన నెంమదినుండే స్వామిని ||
పచ్చకప్పురమె నూరి పసిడి గిన్నెలనించి
తెచ్చి శిరసాదిగ దిగనలది |
అచ్చెరపడి చూడ అందరి కన్నులకింపై
నిచ్చమల్లెపూవువలె నిటుతానుండే స్వామిని ||
తట్టుపునుగే కూరిచి చట్టలు చేరిచినిప్పు
పట్టి కరగించి వెండి పళ్యాలనించి |
దట్టముగ మేనునిండ పట్టించి దిద్ది
బిట్టు వేడుక మురియు చుండే బిత్తరి స్వామిని ||