గోపనారీ ముఖాంభోజభాస్కరం వేణువాద్యకం |
రాధికారసభోక్తారం గోవర్ధనధరం భజే || 1 ||
ఆభీరనగరీప్రాణప్రియం సత్యపరాక్రమం |
స్వభృత్యభయభేత్తారం గోవర్ధనధరం భజే || 2 ||
వ్రజస్త్రీ విప్రయోగాగ్ని నివారకమహర్నిశం |
మహామరకతశ్యామం గోవర్ధనధరం భజే || 3 ||
నవకంజనిభాక్షం చ గోపీజనమనోహరం |
వనమాలాధరం శశ్వద్గోవర్ధనధరం భజే || 4 ||
భక్తవాంఛాకల్పవృక్షం నవనీతపయోముఖం |
యశోదామాతృసానందం గోవర్ధనధరం భజే || 5 ||
అనన్యకృతహృద్భావపూరకం పీతవాససం |
రాసమండలమధ్యస్థం గోవర్ధనధరం భజే || 6 ||
ధ్వజవజ్రాదిసచ్చిహ్న రాజచ్చరణపంకజం |
శృంగారరసమర్మజ్ఞం గోవర్ధనధరం భజే || 7 ||
పురుహూతమహావృష్టీర్నాశకం గోగణావృతం |
భక్తనేత్రచకోరేందుం గోవర్ధనధరం భజే || 8 ||
గోవర్ధనధరాష్టకమిదం యః ప్రపఠేత్ సుధీః |
సర్వదాఽనన్యభావేన స కృష్ణో రతిమాప్నుయాత్ || 9 ||
రచితం భక్తిలాభాయ ధారకానాం సనాతనం |
ముక్తిదం సర్వజంతూనాం గోవర్ధనధరాష్టకం || 10 ||
ఇతి శ్రీగోకులచంద్ర కృతం గోవర్ధనధరాష్టకం ||