శ్రీకళ్యాణగుణోల్లాసం చిద్విలాసం మహౌజసం |
శేషాద్రిమస్తకావాసం శ్రీనివాసం భజామహే || 1 ||
వారాహవేషభూలోకం లక్ష్మీమోహనవిగ్రహం |
వేదాంతగోచరం దేవం వేంకటేశం భజామహే || 2 ||
సాంగానామర్చితాకారం ప్రసన్నముఖపంకజం |
విశ్వవిశ్వంభరాధీశం వృషాద్రీశం భజామహే || 3 ||
కనత్కనకవేలాఢ్యం కరుణావరుణాలయం |
శ్రీవాసుదేవ చిన్మూర్తిం శేషాద్రీశం భజామహే || 4 ||
ఘనాఘనం శేషాద్రిశిఖరానందమందిరం |
శ్రితచాతక సంరక్షం సింహాద్రీశం భజామహే || 5 ||
మంగళప్రదం పద్మాక్షం కస్తూరీతిలకోజ్జ్వలం |
తులస్యాది మనఃపూజ్యం తీర్థాద్రీశం భజామహే || 6 ||
స్వామిపుష్కరిణీతీర్థవాసం వ్యాసాదివర్ణితం |
స్వాంఘ్రీసూచితహస్తాబ్జం సత్యరూపం భజామహే || 7 ||
శ్రీమన్నారాయణం శ్రీశం బ్రహ్మాండాసనతత్పరం |
బ్రహ్మణ్యం సచ్చిదానందం మోహాతీతం భజామహే || 8 ||
అంజనాద్రీశ్వరం లోకరంజనం మునిరంజనం |
భక్తార్తిభంజనం భక్తపారిజాతం తమాశ్రయే || 9 ||
భిల్లీ మనోహర్యం సత్యమనంతం జగతాం విభుం |
నారాయణాచలపతిం సత్యానందం తమాశ్రయే || 10 ||
చతుర్ముఖత్ర్యంబకాఢ్యం సన్నుతార్య కదంబకం |
బ్రహ్మప్రముఖనిత్రానం ప్రధానపురుషాశ్రయే || 11 ||
శ్రీమత్పద్మాసనాగ్రస్థ చింతితార్థప్రదాయకం |
లోకైకనాయకం శ్రీమద్వేంకటాద్రీశమాశ్రయే || 12 ||
వేంకటాద్రిహరేః స్తోత్రం ద్వాదశశ్లోకసంయుతం |
యః పఠేత్ సతతం భక్త్యా తస్య ముక్తిః కరేస్థితా || 13 ||
సర్వపాపహరం ప్రాహుః వేంకటేశస్తదోచ్యతే |
త్వన్నామకో వేంకటాద్రిః స్మరతో వేంకటేశ్వరః |
సద్యః సంస్మరణాదేవ మోక్షసాంరాజ్యమాప్నుయాత్ || 14 ||
వేంకటేశపదద్వంద్యం స్మరామి వ్రజామి సదా |
భూయాః శరణ్యో మే సాక్షాద్దేవేశో భక్తవత్సలః || 15 ||
ఇతి శ్రీ వేంకటేశ్వర ద్వాదశమంజరికా స్తోత్రం |