బ్రహ్మోవాచ |
చక్రాంభోజే సమాసీనం చక్రాద్యాయుధధారిణం |
చక్రరూపం మహావిష్ణుం చక్రమంత్రేణ చింతయేత్ || 1 ||
సర్వావయవసంపూర్ణం భయస్యాపి భయంకరం |
ఉగ్రం త్రినేత్రం కేశాగ్నిం జ్వాలామాలాసమాకులం || 2 ||
అప్రమేయమనిర్దేశ్యం బ్రహ్మాండవ్యాప్తవిగ్రహం |
అష్టాయుధపరీవారం అష్టాపదసమద్యుతిం || 3 ||
అష్టారచక్రమత్యుగ్రం సంవర్తాగ్నిసమప్రభం |
దక్షిణైర్బాహుభిశ్చక్రముసలాంకుశపత్రిణః || 4 ||
దధానం వామతః శంఖచాపపాశగదాధరం |
రక్తాంబరధరం దేవం రక్తమాల్యోపశోభితం || 5 ||
రక్తచందనలిప్తాంగం రక్తవర్ణమివాంబుదం |
శ్రీవత్సకౌస్తుభోరస్కం దీప్తకుండలధారిణం || 6 ||
హారకేయూరకటకశృంఖలాద్యైరలంకృతం |
దుష్టనిగ్రహకర్తారం శిష్టానుగ్రహకారిణం || 7 ||
ఏవం సౌదర్శనం నిత్యం పురుషం హృది భావయేత్ |
సౌలభ్యచూడామణ్యాఖ్యం మయా భక్త్యా సమీరితం || 8 ||
చూడాయుక్తం త్రిసంధ్యాయాం యః పఠేత్ స్తోత్రముత్తమం |
భయం చ న భవేత్తస్య దురితం చ కదాచన || 9 ||
జలే వాఽపి స్థలే వాఽపి చోరదుఃఖమహాపది |
సంగ్రామే రాజసంమర్దే శత్రుభిః పరిపీడితే || 10 ||
బంధనే నిగలే వాఽపి సంకటేఽపి మహాభయే |
యః పఠేత్ పరయా భక్త్యా స్తోత్రమేతజ్జితేంద్రియః |
సర్వత్ర చ సుఖీ భూత్వా సర్వాన్ కామానవాప్నుయాత్ || 11 ||
Saulabhya Choodamani Stotram pdf download – శ్రీ సౌలభ్యచూడామణి స్తోత్రం
Author
Pavan Teja
పవన్ తేజ రచయితగా సినిమాలు, రాజకీయం, ఆరోగ్యం, వ్యాయామం, అందం, ధర్మం, విజ్ఞాన శాస్త్రం, సాంకేతికత, డబ్బు సంపాదించే మార్గాలు, ఆంగ్లం నుండి తెలుగు అనువాదం మొదలైన అంశాలలో అనుభవం పొందాడు. అతను గతంలో తెలుగు సినిమా విశ్లేషకుడిగా పని చేశాడు. ప్రస్తుతం అసిస్టెంట్ డైరెక్టర్ గా పనిచేస్తున్నాడు.
