బ్రహ్మోవాచ |
నమస్యే యన్మయం సర్వమేతత్సర్వమయశ్చ యః |
విశ్వమూర్తిః పరంజ్యోతిర్యత్తద్ధ్యాయంతి యోగినః || 1 ||
య ఋఙ్మయో యో యజుషాం నిధానం
సాంనాం చ యో యోనిరచింత్యశక్తిః |
త్రయీమయః స్థూలతయార్ధమాత్రా
పరస్వరూపో గుణపారయోగ్యః || 2 ||
త్వాం సర్వహేతుం పరమం చ వేద్య-
-మాద్యం పరం జ్యోతిరవేద్యరూపం |
స్థూలం చ దేవాత్మతయా నమస్యే
భాస్వన్ తమాద్యం పరమం పరేభ్యః || 3 ||
సృష్టిం కరోమి యదహం తవశక్తిరాద్యా
తత్ప్రేరితో జలమహీపవనాగ్నిరూపాం |
తద్దేవతాదివిషయాం ప్రణవాద్యశేషాం
నాత్మేచ్ఛయా స్థితిలయావపి తద్వదేవ || 4 ||
వహ్నిస్త్వమేవ జలశోషణతః పృథివ్యాః
సృష్టిం కరోషి జగతాం చ తథాద్య పాకం |
వ్యాపీ త్వమేవ భగవన్ గగనస్వరూపం
త్వం పంచధా జగదిదం పరిపాసి విశ్వం || 5 ||
యజ్ఞైర్యజంతి పరమాత్మవిదో భవంతం
విష్ణుస్వరూపమఖిలేష్టిమయం వివస్వన్ |
ధ్యాయంతి చాపి యతయో నియతాత్మచిత్తాః
సర్వేశ్వరం పరమమాత్మవిముక్తికామా || 6 ||
నమస్తే దేవరూపాయ యజ్ఞరూపాయ తే నమః |
పరబ్రహ్మస్వరూపాయ చింత్యమానాయ యోగిభిః || 7 ||
ఉపసంహర తేజో యత్తేజసః సంహతిస్తవ |
సృష్టేర్విధాతాయ విభో సృష్టౌ చాఽహం సముద్యతః || 8 ||
మార్కండేయ ఉవాచ |
ఇత్యేవం సంస్తుతో భాస్వాన్ బ్రహ్మణా సర్గకర్తృణా |
ఉపసంహృతవాంస్తేజః పరం స్వల్పమధారయత్ || 9 ||
చకార చ తతః సృష్టిం జగతః పద్మసంభవః |
తథా తేషు మహాభాగః పూర్వకల్పాంతరేషు వై || 10 ||
దేవాసురాదీన్మర్త్యాంశ్చ పశ్వాదీన్వృక్షవీరుధః |
ససర్జ పూర్వవద్బ్రహ్మా నరకాంశ్చ మహామునే || 11 ||
ఇతి శ్రీమార్కండేయపురాణే శతతమోఽధ్యాయే బ్రహ్మ కృత శ్రీ ఆదిత్య స్తవం |
Sri Aditya Stavam pdf download – శ్రీ ఆదిత్య స్తవం
Author
Pavan Teja
పవన్ తేజ రచయితగా సినిమాలు, రాజకీయం, ఆరోగ్యం, వ్యాయామం, అందం, ధర్మం, విజ్ఞాన శాస్త్రం, సాంకేతికత, డబ్బు సంపాదించే మార్గాలు, ఆంగ్లం నుండి తెలుగు అనువాదం మొదలైన అంశాలలో అనుభవం పొందాడు. అతను గతంలో తెలుగు సినిమా విశ్లేషకుడిగా పని చేశాడు. ప్రస్తుతం అసిస్టెంట్ డైరెక్టర్ గా పనిచేస్తున్నాడు.
