Sri Aditya Kavacham pdf download – శ్రీ ఆదిత్య కవచం

అస్య శ్రీ ఆదిత్యకవచస్తోత్రమహామంత్రస్య అగస్త్యో భగవానృషిః అనుష్టుప్ఛందః ఆదిత్యో దేవతా శ్రీం బీజం ణీం శక్తిః సూం కీలకం మమ ఆదిత్యప్రసాదసిద్ధ్యర్థే జపే వినియోగః |
ధ్యానం –
జపాకుసుమసంకాశం ద్విభుజం పద్మహస్తకం |
సిందూరాంబరమాల్యం చ రక్తగంధానులేపనం || 1 ||
మాణిక్యరత్నఖచితసర్వాభరణభూషితం |
సప్తాశ్వరథవాహం తు మేరుం చైవ ప్రదక్షిణం || 2 ||
దేవాసురవరైర్వంద్యం ఘృణిభిః పరిసేవితం |
ధ్యాయేత్ పఠేత్ సువర్ణాభం సూర్యస్య కవచం ముదా || 3 ||
అథ కవచం –
ఘృణిః పాతు శిరోదేశే సూర్యః పాతు లలాటకం |
ఆదిత్యో లోచనే పాతు శ్రుతీ పాతు దివాకరః || 4 ||
ఘ్రాణం పాతు సదా భానుః ముఖం పాతు సదా రవిః |
జిహ్వాం పాతు జగన్నేత్రః కంఠం పాతు విభావసుః || 5 ||
స్కంధౌ గ్రహపతిః పాతు భుజౌ పాతు ప్రభాకరః |
కరావబ్జకరః పాతు హృదయం పాతు నభోమణిః || 6 ||
ద్వాదశాత్మా కటిం పాతు సవితా పాతు సక్థినీ |
ఊరూ పాతు సురశ్రేష్ఠో జానునీ పాతు భాస్కరః || 7 ||
జంఘే మే పాతు మార్తాండో గుల్ఫౌ పాతు త్విషాం పతిః |
పాదౌ దినమణిః పాతు పాతు మిత్రోఽఖిలం వపుః || 8 ||
ఆదిత్యకవచం పుణ్యమభేద్యం వజ్రసన్నిభం |
సర్వరోగభయాదిభ్యో ముచ్యతే నాత్ర సంశయః || 9 ||
సంవత్సరముపాసిత్వా సాంరాజ్యపదవీం లభేత్ |
అశేషరోగశాంత్యర్థం ధ్యాయేదాదిత్యమండలం || 10 ||
ఆదిత్య మండల స్తుతిః –
అనేకరత్నసంయుక్తం స్వర్ణమాణిక్యభూషణం |
కల్పవృక్షసమాకీర్ణం కదంబకుసుమప్రియం || 11 ||
సిందూరవర్ణాయ సుమండలాయ
సువర్ణరత్నాభరణాయ తుభ్యం |
పద్మాదినేత్రే చ సుపంకజాయ
బ్రహ్మేంద్ర-నారాయణ-శంకరాయ || 12 ||
సంరక్తచూర్ణం ససువర్ణతోయం
సకుంకుమాభం సకుశం సపుష్పం |
ప్రదత్తమాదాయ చ హేమపాత్రే
ప్రశస్తనాదం భగవన్ ప్రసీద || 13 ||