అస్య శ్రీబాలాస్తవరాజస్తోత్రస్య శ్రీమృత్యుంజయ ఋషిః, కకుప్ఛందః, శ్రీబాలా దేవతా, క్లీం బీజం, సౌః శక్తిః, ఐం కీలకం, భోగమోక్షార్థే జపే వినియోగః |
కరన్యాసః –
ఐం అంగుష్ఠాభ్యాం నమః |
క్లీం తర్జనీభ్యాం నమః |
సౌః మధ్యమాభ్యాం నమః |
ఐం అనామికాభ్యాం నమః |
క్లీం కనిష్ఠికాభ్యాం నమః |
సౌః కరతల కరపృష్ఠాభ్యాం నమః |
హృదయాదిన్యాసః –
ఐం హృదయాయ నమః |
క్లీం శిరసే స్వాహా |
సౌః శిఖాయై వషట్ |
ఐం కవచాయ హుం |
క్లీం నేత్రత్రయాయ వౌషట్ |
సౌః అస్త్రాయ ఫట్ |
భూర్భువస్సువరోం ఇతి దిగ్బంధః ||
ధ్యానం |
అక్షపుస్తధరాం రక్తాం వరాభయకరాంబుజాం |
చంద్రముండాం త్రినేత్రాం చ ధ్యాయేద్బాలాం ఫలప్రదాం || 1 ||
ఐం త్రైలోక్యవిజయాయై హుం ఫట్ |
క్లీం త్రిగుణరహితాయై హుం ఫట్ |
సౌః సర్వైశ్వర్యదాయిన్యై హుం ఫట్ || 2 ||
నాతః పరతరా సిద్ధిర్నాతః పరతరా గతిః |
నాతః పరతరో మంత్రః సత్యం సత్యం వదాంయహం || 3 ||
రక్తాం రక్తచ్ఛదాం తీక్ష్ణాం రక్తపాం రక్తవాససీం |
స్వరూపాం రత్నభూషాం చ లలజ్జిహ్వాం పరాం భజే || 4 ||
త్రైలోక్యజననీం సిద్ధాం త్రికోణస్థాం త్రిలోచనాం |
త్రివర్గఫలదాం శాంతాం వందే బీజత్రయాత్మికాం || 5 ||
శ్రీబాలాం వారుణీప్రీతాం బాలార్కకోటిద్యోతినీం |
వరదాం బుద్ధిదాం శ్రేష్ఠాం వామాచారప్రియాం భజే || 5 ||
చతుర్భుజాం చారునేత్రాం చంద్రమౌలిం కపాలినీం |
చతుఃషష్టియోగినీశాం వీరవంద్యాం భజాంయహం || 6 ||
కౌలికాం కలతత్త్వస్థాం కౌలావారాంకవాహనాం |
కౌసుంభవర్ణాం కౌమారీం కవర్మధారిణీం భజే || 7 ||
ద్వాదశస్వరరూపాయై నమస్తేఽస్తు నమో నమః |
నమో నమస్తే బాలాయై కారుణ్యాయై నమో నమః || 8 ||
విద్యావిద్యాద్యవిద్యాయై నమస్తేఽస్తు నమో నమః |
విద్యారాజ్ఞ్యై మహాదేవ్యై శివాయై సతతం నమః || 9 ||
ఐం బాలాయై విద్మహే క్లీం త్రిభువనేశ్వర్యై ధీమహి |
సౌః తన్నో దేవీ ప్రచోదయాత్ | ఐం బాలాయై స్వాహా || 10 ||
ద్వాదశాంతాలయాం శ్రేష్ఠాం షోడశాధారగాం శివాం |
పంచేంద్రియస్వరూపాఖ్యాం భూయో భూయో నమాంయహం || 11 ||
బ్రహ్మవిద్యాం బ్రహ్మరూపాం బ్రహ్మజ్ఞానప్రదాయినీం |
వసుప్రదాం వేదరూపాం వందే బాలాం శుభాననాం || 12 ||
అఘోరాం భీషణామాద్యామనంతోపరిసంస్థితాం |
దేవదేవేశ్వరీం భద్రాం శ్రీబాలాం ప్రణమాంయహం || 13 ||
భవప్రియాం భవాధారాం భగరూపాం భగప్రియాం |
భయానకాం భూతధాత్రీం భూదేవపూజితాం భజే || 14 ||
అకారాదిక్షకారాంతాం క్లీబాక్షరాత్మికాం పరాం |
వందే వందే మహామాయాం భవభవ్యభయాపహాం || 15 ||
నాడీరూప్యై నమస్తేఽస్తు ధాతురూప్యై నమో నమః |
జీవరూప్యై నమస్యామి బ్రహ్మరూప్యై నమో నమః || 16 ||
నమస్తే మంత్రరూపాయై పీఠగాయై నమో నమః |
సింహాసనేశ్వరి తుభ్యం సిద్ధిరూప్యై నమో నమః || 17 ||
నమస్తే మాతృరూపిణ్యై నమస్తే భైరవప్రియే |
నమస్తే చోపపీఠాయై బాలాయై సతతం నమః || 18 ||
యోగేశ్వర్యై నమస్తేఽస్తు యోగదాయై నమో నమః |
యోగనిద్రాస్వరూపిణ్యై బాలాదేవ్యై నమో నమః || 19 ||
సుపుణ్యాయై నమస్తేఽస్తు సుశుద్ధాయై నమో నమః |
సుగుహ్యాయై నమస్తేఽస్తు బాలాదేవ్యై నమో నమః || 20 ||
ఇతీదం స్తవరాజాఖ్యం సర్వస్తోత్రోత్తమోత్తమం |
యే పఠంతి మహేశాని పునర్జన్మ న విద్యతే || 21 ||
సర్వపాపహరం పుణ్యం సర్వస్ఫోటవినాశకం |
సర్వసిద్ధిప్రదం శ్రేష్ఠం భోగైశ్వర్యప్రదాయకం || 22 ||