చేరి యశోదకు శిశువితడు |
ధారుణి బ్రహ్మకు తండ్రియు నితడు ||
సొలసి జూచినను సూర్య చంద్రులను
లలివెదజల్లెడు లక్షణుడు |
నిలిచిన నిలువున నిఖిల దేవతల
కలిగించు సురల గనివో యితడు ||
మాటలాడిననను మరియజాండములు
కోటులు వొడమెటి గుణరాశి |
నీటుగ నూర్పుల నిఖిల వేదములు
చాటువ నూరెటి సముద్రుడితడు ||
ముంగిట పొలసిన మోహన మాత్మల
పొంగించే ఘన పురుషుడు |
సంగతి మావంటి శరణాగతులకు
అంగము శ్రీ వేంకటాధిపుడితడు ||