ఒకపరి కొకపరి కొయ్యారమై |
మొకమున కళలెల్ల మొలసినట్లుండె ||
జగదేక పతిమేన చల్లిన కర్పూర ధూళి |
జిగిగొని నలువంక చిందగాను |
మొగి చంద్రముఖి నురమున నిలిపె గాన |
పొగరు వెన్నెల దిగబోసినట్లుండె ||
పొరిమెరుగు చెక్కుల పూసిన తట్టు పునుగు |
కరిగి యిరుదెసల కారగాను |
కరిగమన విభుడు గనుక మోహ మదము |
తొరిగి సామజ సిరి తొలకి నట్లుండె ||
నెరయు శ్రీ వేంకటేశు మేన సింగారముగాను |
తరచైన సొంములు ధరియించగా |
మెరుగు బోడీ అలమేలు మంగయు తాను |
మెరుపు మేఘము గూడి మెరసినట్టుండె ||