వందే నవఘనశ్యామం పీతకౌశేయవాససం |
సానందం సుందరం శుద్ధం శ్రీకృష్ణం ప్రకృతేః పరం || 1 ||
రాధేశం రాధికాప్రాణవల్లభం వల్లవీసుతం |
రాధాసేవితపాదాబ్జం రాధావక్షఃస్థలస్థితం || 2 ||
రాధానుగం రాధికేష్టం రాధాపహృతమానసం |
రాధాధారం భవాధారం సర్వాధారం నమామి తం || 3 ||
రాధాహృత్పద్మమధ్యే చ వసంతం సతతం శుభం |
రాధాసహచరం శశ్వద్రాధాజ్ఞాపరిపాలకం || 4 ||
ధ్యాయంతే యోగినో యోగాన్ సిద్ధాః సిద్ధేశ్వరాశ్చ యం |
తం ధ్యాయేత్ సతతం శుద్ధం భగవంతం సనాతనం || 5 ||
సేవంతే సతతం సంతోఽశేషబ్రహ్మేశసంజ్ఞికాః |
సేవంతే నిర్గుణం బ్రహ్మ భగవంతం సనాతనం || 6 ||
నిర్లిప్తం చ నిరీహం చ పరమాత్మానమీశ్వరం |
నిత్యం సత్యం చ పరమం భగవంతం సనాతనం || 7 ||
యం సృష్టేరాదిభూతం చ సర్వబీజం పరాత్పరం |
యోగినస్తం ప్రపద్యంతే భగవంతం సనాతనం || 8 ||
బీజం నానావతారాణాం సర్వకారణకారణం |
వేదవేద్యం వేదబీజం వేదకారణకారణం || 9 ||
యోగినస్తం ప్రపద్యంతే భగవంతం సనాతనం |
ఇత్యేవముక్త్వా గంధర్వః పపాత ధరణీతలే || 10 ||
నమామ దండవద్భూమౌ దేవదేవం పరాత్పరం |
ఇతి తేన కృతం స్తోత్రం యః పఠేత్ ప్రయతః శుచిః || 11 ||
ఇహైవ జీవన్ముక్తశ్చ పరం యాతి పరాం గతిం |
హరిభక్తిం హరేర్దాస్యం గోలోకే చ నిరామయః || 12 ||
పార్షదప్రవరత్వం చ లభతే నాఽత్ర సంశయః || 13 ||