దుర్గాం శివాం శాంతికరీం బ్రహ్మాణీం బ్రహ్మణః ప్రియాం |
సర్వలోకప్రణేత్రీం చ ప్రణమామి సదాశివాం || 1 ||
మంగళాం శోభనాం శుద్ధాం నిష్కళాం పరమాం కలాం |
విశ్వేశ్వరీం విశ్వమాతాం చండికాం ప్రణమాంయహం || 2 ||
సర్వదేవమయీం దేవీం సర్వరోగభయాపహాం |
బ్రహ్మేశవిష్ణునమితాం ప్రణమామి సదా ఉమాం || 3 ||
వింధ్యస్థాం వింధ్యనిలయాం దివ్యస్థాననివాసినీం |
యోగినీం యోగమాతాం చ చండికాం ప్రణమాంయహం || 4 ||
ఈశానమాతరం దేవీమీశ్వరీమీశ్వరప్రియాం |
ప్రణతోఽస్మి సదా దుర్గాం సంసారార్ణవతారిణీం || 5 ||
య ఇదం పఠతే స్తోత్రం శృణుయాద్వాపి యో నరః |
స ముక్తః సర్వపాపైస్తు మోదతే దుర్గయా సహ || 6 ||
ఇతి శివరహస్యే శ్రీ దుర్గా స్తోత్రం |