జపాకుసుమసంకాశం కాశ్యపేయం మహాద్యుతిం |
తమోఽరిం సర్వపాపఘ్నం ప్రణతోఽస్మి దివాకరం || 1 ||
దధిశంఖతుషారాభం క్షీరోదార్ణవసంభవం |
నమామి శశినం సోమం శంభోర్ముకుటభూషణం || 2 ||
ధరణీగర్భసంభూతం విద్యుత్కాంతిసమప్రభం |
కుమారం శక్తిహస్తం తం మంగళం ప్రణమాంయహం || 3 ||
ప్రియంగుకలికాశ్యామం రూపేణాప్రతిమం బుధం |
సౌంయం సౌంయగుణోపేతం తం బుధం ప్రణమాంయహం || 4 ||
దేవానాం చ ఋషీణాం చ గురుం కాంచనసన్నిభం |
బుద్ధిభూతం త్రిలోకేశం తం నమామి బృహస్పతిం || 5 ||
హిమకుందమృణాలాభం దైత్యానాం పరమం గురుం |
సర్వశాస్త్రప్రవక్తారం భార్గవం ప్రణమాంయహం || 6 ||
నీలాంజనసమాభాసం రవిపుత్రం యమాగ్రజం |
ఛాయామార్తాండసంభూతం తం నమామి శనైశ్చరం || 7 ||
అర్ధకాయం మహావీర్యం చంద్రాదిత్యవిమర్దనం |
సింహికాగర్భసంభూతం తం రాహుం ప్రణమాంయహం || 8 ||
పలాశపుష్పసంకాశం తారకాగ్రహమస్తకం |
రౌద్రం రౌద్రాత్మకం ఘోరం తం కేతుం ప్రణమాంయహం || 9 ||
ఇతి వ్యాసముఖోద్గీతం యః పఠేత్ సుసమాహితః |
దివా వా యది వా రాత్రౌ విఘ్నశాంతిర్భవిష్యతి || 10 ||
నరనారీనృపాణాం చ భవేద్దుఃస్వప్ననాశనం |
ఐశ్వర్యమతులం తేషామారోగ్యం పుష్టివర్ధనం || 11 ||
గ్రహనక్షత్రజాః పీడాస్తస్కరాగ్నిసముద్భవాః |
తాః సర్వాః ప్రశమం యాంతి వ్యాసో బ్రూతే న సంశయః || 12 ||
ఇతి శ్రీవ్యాస కృత నవగ్రహ స్తోత్రం |