సువర్ణవర్ణసుందరం సితైకదంతబంధురం
గృహీతపాశకాంకుశం వరప్రదాఽభయప్రదం |
చతుర్భుజం త్రిలోచనం భుజంగమోపవీతినం
ప్రఫుల్లవారిజాసనం భజామి సింధురాననం || 1 ||
కిరీటహారకుండలం ప్రదీప్తబాహుభూషణం
ప్రచండరత్నకంకణం ప్రశోభితాంఘ్రియష్టికం |
ప్రభాతసూర్యసుందరాంబరద్వయప్రధారిణం
సరలహేమనూపురం ప్రశోభితాంఘ్రిపంకజం || 2 ||
సువర్ణదండమండితప్రచండచారుచామరం
గృహప్రతీర్ణసుందరం యుగక్షణం ప్రమోదితం |
కవీంద్రచిత్తరంజకం మహావిపత్తిభంజకం
షడక్షరస్వరూపిణం భజేద్గజేంద్రరూపిణం || 3 ||
విరించివిష్ణువందితం విరూపలోచనస్తుతిం
గిరీశదర్శనేచ్ఛయా సమర్పితం పరాశయా |
నిరంతరం సురాసురైః సపుత్రవామలోచనైః
మహామఖేష్టమిష్టకర్మసు భజామి తుందిలం || 4 ||
మదౌఘలుబ్ధచంచలార్కమంజుగుంజితారవం
ప్రబుద్ధచిత్తరంజకం ప్రమోదకర్ణచాలకం |
అనన్యభక్తిమానవం ప్రచండముక్తిదాయకం
నమామి నిత్యమాదరేణ వక్రతుండనాయకం || 5 ||
దారిద్ర్యవిద్రావణమాశు కామదం
స్తోత్రం పఠేదేతదజస్రమాదరాత్ |
పుత్రీకలత్రస్వజనేషు మైత్రీ
పుమాన్మవేదేకవరప్రసాదాత్ || 6 ||
ఇతి శ్రీమచ్ఛంకరాచార్యవిరచితం శ్రీ గణపతి స్తోత్రం |