ప్రాతః స్మరామి గణనాథమనాథబంధుం
సిందూరపూరపరిశోభితగండయుగ్మం |
ఉద్దండవిఘ్నపరిఖండనచండదండం
ఆఖండలాదిసురనాయకబృందవంద్యం || 1 ||
ప్రాతర్నమామి చతురాననవంద్యమానం
ఇచ్ఛానుకూలమఖిలం చ వరం దదానం |
తం తుందిలం ద్విరసనాధిప యజ్ఞసూత్రం
పుత్రం విలాసచతురం శివయోః శివాయ || 2 ||
ప్రాతర్భజాంయభయదం ఖలు భక్తశోక-
-దావానలం గణవిభుం వరకుంజరాస్యం |
అజ్ఞానకాననవినాశనహవ్యవాహం
ఉత్సాహవర్ధనమహం సుతమీశ్వరస్య || 3 ||
శ్లోకత్రయమిదం పుణ్యం సదా సాంరాజ్యదాయకం |
ప్రాతరుత్థాయ సతతం యః పఠేత్ప్రయతః పుమాన్ || 4 ||
ఇతి శ్రీ గణేశ ప్రాతఃస్మరణ స్తోత్రం |