కళ్యాణశైలపరికల్పితకార్ముకాయ
మౌర్వీకృతాఖిలమహోరగనాయకాయ |
పృథ్వీరధాయ కమలాపతిసాయకాయ
హాలాస్యమధ్యనిలయాయ నమశ్శివాయ || 1 ||
భక్తార్తిభంజన పరాయ పరాత్పరాయ
కాలాభ్రకాంతి గరళాంకితకంధరాయ |
భూతేశ్వరాయ భువనత్రయకారణాయ
హాలాస్యమధ్యనిలయాయ నమశ్శివాయ || 2 ||
భూదారమూర్తి పరిమృగ్య పదాంబుజాయ
హంసాబ్జసంభవసుదూర సుమస్తకాయ |
జ్యోతిర్మయ స్ఫురితదివ్యవపుర్ధరాయ
హాలాస్యమధ్యనిలయాయ నమశ్శివాయ || 3 ||
కాదంబకానననివాస కుతూహలాయ
కాంతార్ధభాగ కమనీయకళేబరాయ |
కాలాంతకాయ కరుణామృతసాగరాయ
హాలాస్యమధ్యనిలయాయ నమశ్శివాయ || 4 ||
విశ్వేశ్వరాయ విబుధేశ్వరపూజితాయ
విద్యావిశిష్టవిదితాత్మ సువైభవాయ |
విద్యాప్రదాయ విమలేంద్రవిమానగాయ
హాలాస్యమధ్యనిలయాయ నమశ్శివాయ || 5 ||
సంపత్ప్రదాయ సకలాగమ మస్తకేషు
సంఘోషితాత్మ విభవాయ నమశ్శివాయ |
సర్వాత్మనే సకలదుఃఖసమూలహంత్రే
హాలాస్యమధ్యనిలయాయ నమశ్శివాయ || 6 ||
గంగాధరాయ గరుడధ్వజవందితాయ
గండస్ఫురద్భుజగమండలమండితాయ |
గంధర్వ కిన్నర సుగీతగుణాత్మకాయ
హాలాస్యమధ్యనిలయాయ నమశ్శివాయ || 7 ||
సాణిం ప్రగృహ్య మలయధ్వజభూపపుత్ర్యాః
పాండ్యేశ్వరస్స్వయమభూత్పరమేశ్వరో యః |
తస్మై జగత్ప్రథితసుందరపాండ్యనాంనే
హాలాస్యమధ్యనిలయాయ నమశ్శివాయ || 8 ||
గీర్వాణదేశికగిరామపి దూరగం య-
ద్వక్తుం మహత్త్వమిహ కో భవతః ప్రవీణః |
శంభో క్షమస్వ భగవచ్చరణారవింద-
భక్త్యా కృతాం స్తుతిమిమాం మమ సుందరేశ || 9 ||
ఇతి శ్రీహాలాస్యమాహాత్ంయే వరుణకృత శివస్తోత్రం |
Varuna Krita Shiva Stotram pdf download – శ్రీ శివ స్తోత్రం (వరుణ కృతం)
Author
Pavan Teja
పవన్ తేజ రచయితగా సినిమాలు, రాజకీయం, ఆరోగ్యం, వ్యాయామం, అందం, ధర్మం, విజ్ఞాన శాస్త్రం, సాంకేతికత, డబ్బు సంపాదించే మార్గాలు, ఆంగ్లం నుండి తెలుగు అనువాదం మొదలైన అంశాలలో అనుభవం పొందాడు. అతను గతంలో తెలుగు సినిమా విశ్లేషకుడిగా పని చేశాడు. ప్రస్తుతం అసిస్టెంట్ డైరెక్టర్ గా పనిచేస్తున్నాడు.
