Rati Devi Krita Shiva Stotram pdf download – శ్రీ శివ స్తోత్రం (రతిదేవి కృతం)

నమశ్శివాయాస్తు నిరామయాయ
నమశ్శివాయాస్తు మనోమయాయ |
నమశ్శివాయాస్తు సురార్చితాయ
తుభ్యం సదా భక్తకృపావరాయ || 1 ||
నమో భవాయాస్తు భవోద్భవాయ
నమోఽస్తు తే ధ్వస్తమనోభవాయ |
నమోఽస్తు తే గూఢమహావ్రతాయ
నమస్స్వమాయాగహనాశ్రయాయ || 2 ||
నమోఽస్తు శర్వాయ నమశ్శివాయ
నమోఽస్తు సిద్ధాయ పురాంతకాయ |
నమోఽస్తు కాలాయ నమః కలాయ
నమోఽస్తు తే జ్ఞానవరప్రదాయ || 3 ||
నమోఽస్తు తే కాలకలాతిగాయ
నమో నిసర్గామలభూషణాయ |
నమోఽస్త్వమేయాంధకమర్దనాయ
నమశ్శరణ్యాయ నమోఽగుణాయ || 4 ||
నమోఽస్తు తే భీమగుణానుగాయ
నమోఽస్తు నానాభువనాదికర్త్రే |
నమోఽస్తు నానాజగతాం విధాత్రే
నమోఽస్తు తే చిత్రఫలప్రయోక్త్రే || 5 ||
సర్వావసానే హ్యవినాశనేత్రే
నమోఽస్తు చిత్రాధ్వరభాగభోక్త్రే |
నమోఽస్తు కర్మప్రభవస్య ధాత్రే
నమస్స ధాత్రే భవసంగహర్త్రే || 6 ||
అనంతరూపాయ సదైవ తుభ్య-
మసహ్యకోపాయ నమోఽస్తు తుభ్యం |
శశాంకచిహ్నాయ నమోఽస్తు తుభ్య-
మమేయమానాయ నమోఽస్తు తుభ్యం || 7 ||
వృషేంద్రయానాయ పురాంతకాయ
నమః ప్రసిద్ధాయ మహౌషధాయ |
నమోఽస్తు భక్తాభిమతప్రదాయ
నమోఽస్తు సర్వార్తిహరాయ తుభ్యం || 8 ||
చరాచరాచారవిచారవర్య-
మాచార్యముత్ప్రేక్షితభూతసర్గం |
త్వామిందుమౌళిం శరణం ప్రపన్నా
ప్రియాప్రమేయం మహతాం మహేశం || 9 ||
ప్రయచ్ఛ మే కామయశస్సమృద్ధిం
పునః ప్రభో జీవతు కామదేవః ||
వైధవ్యహర్త్రే భగవన్నమస్తే
ప్రియం వినా త్వాం ప్రియజీవితేషు || 10 ||
త్వత్తో పరః కో భువనేష్విహాస్తి
ప్రభుః ప్రియాయాః ప్రభవః ప్రియాణాం |
త్వమేవ చైకో భువనస్య నాథో
దయాళురున్మీలితభక్తభీతిః || 11 ||
ఇతి శ్రీమత్స్యపురాణే రతిదేవీకృత శివస్తోత్రం |