Tripura Sundari Pratah Smaranam pdf download – శ్రీ త్రిపురసుందరీ ప్రాతః స్మరణం

ప్రాతర్నమామి జగతాం జనన్యాశ్చరణాంబుజం |
శ్రీమత్త్రిపురసుందర్యా వందితాయా హరాదిభిః || 1 ||
ప్రాతస్త్రిపురసుందర్యాః వ్రజామి చరణాంబుజం |
హరిర్హరో విరించిశ్చ సృష్ట్యాదీన్ కురుతే యయా || 2 ||
ప్రాతస్త్రిపురసుందర్యాః నమామి పదపంకజం |
యత్పాద్యమంబు శిరసి భాతి గంగా మహేశితుః || 3 ||
ప్రాతః పాశాంకుశ శర చాపహస్తాం నమాంయహం |
ఉద్యదాదిత్యసంకాశాం శ్రీమత్త్రిపురసుందరీం || 4 ||
ప్రాతర్నమామి పాదాబ్జం యయేదం భాసతే జగత్ |
తస్యాస్త్రిపురసుందర్యాః యత్ప్రసాదాన్నివర్తతే || 5 ||
యః శ్లోక పంచకమిదం ప్రాతర్నిత్యం పఠేన్నరః |
తస్మై దద్యాదాత్మపదం శ్రీమత్త్రిపురసుందరీ || 6 ||
త్రైలోక్యచైతన్యమయే పరేశి
శ్రీనాథనిత్యే భవదాజ్ఞయైవ |
ప్రాతః సముత్థాయ తవ ప్రియార్థం
సంసారయాత్రామనువర్తయిష్యే || 7 ||
సంసారయాత్రామనువర్తమానం
త్వదాజ్ఞాయా శ్రీత్రిపురే పరేశి |
స్పర్ధా తిరస్కార కలిప్రమాద
భయాని మామభిభవంతు మాతః || 8 ||
జానామి ధర్మం న చ మే ప్రవృత్తిః
జానాంయధర్మం న చ మే నివృత్తిః |
త్వయా హృషీకేశి హృదిస్థయాఽహం
యథా నియుక్తోఽస్మి తథా కరోమి || 9 ||
ఇతి శ్రీ త్రిపురసుందరీ ప్రాతః స్మరణం |