నీలాలకాం శశిముఖీం నవపల్లవోష్ఠీం
చాంపేయపుష్పసుషమోజ్జ్వలదివ్యనాసాం |
పద్మేక్షణాం ముకురసుందరగండభాగాం
త్వాం సాంప్రతం త్రిపురసుందరి దేవి వందే || 1 ||
శ్రీకుందకుడ్మలశిఖోజ్జ్వలదంతబృంద-
-మందస్మితద్యుతితిరోహితచారువాణీం |
నానామణిస్థగితహారసుచారుకంఠీం
త్వాం సాంప్రతం త్రిపురసుందరి దేవి వందే || 2 ||
పీనస్తనీం ఘనభుజాం విపులాబ్జహస్తాం
భృంగావలీజితసుశోభితరోమరాజిం |
మత్తేభకుంభకుచభారసునంరమధ్యాం
త్వాం సాంప్రతం త్రిపురసుందరి దేవి వందే || 3 ||
రంభోజ్జ్వలోరుయుగలాం మృగరాజపత్రా-
-మింద్రాదిదేవమకుటోజ్జ్వలపాదపద్మాం |
హేమాంబరాం ఘనఘృతాంచితఖడ్గవల్లీం
త్వాం సాంప్రతం త్రిపురసుందరి దేవి వందే || 4 ||
మత్తేభవక్త్రజననీం మృడదేహయుక్తాం
శైలాగ్రమధ్యనిలయాం వరసుందరాంగీం |
కోటీశ్వరాఖ్యహృదిసంస్థితపాదపద్మాం
త్వాం సాంప్రతం త్రిపురసుందరి దేవి వందే || 5 ||
బాలే త్వత్పాదయుగలం ధ్యాత్వా సంప్రతి నిర్మితం |
నవీనం పంచరత్నం చ ధార్యతాం చరణద్వయే || 6 ||
ఇతి శ్రీ త్రిపురసుందరీ పంచరత్న స్తోత్రం |