బ్రహ్మోవాచ |
స్తవనం సామవేదోక్తం సూర్యస్య వ్యాధిమోచనం |
సర్వపాపహరం సారం ధనారోగ్యకరం పరం || 1 ||
తం బ్రహ్మ పరమం ధామ జ్యోతీరూపం సనాతనం |
త్వామహం స్తోతుమిచ్ఛామి భక్తానుగ్రహకారకం || 2 ||
త్రైలోక్యలోచనం లోకనాథం పాపవిమోచనం |
తపసాం ఫలదాతారం దుఃఖదం పాపినాం సదా || 3 ||
కర్మానురూపఫలదం కర్మబీజం దయానిధిం |
కర్మరూపం క్రియారూపమరూపం కర్మబీజకం || 4 ||
బ్రహ్మవిష్ణుమహేశానామంశం చ త్రిగుణాత్మకం |
వ్యాధిదం వ్యాధిహంతారం శోకమోహభయాపహం |
సుఖదం మోక్షదం సారం భక్తిదం సర్వకామదం || 5 ||
సర్వేశ్వరం సర్వరూపం సాక్షిణం సర్వకర్మణాం |
ప్రత్యక్షం సర్వలోకానామప్రత్యక్షం మనోహరం || 6 ||
శశ్వద్రసహరం పశ్చాద్రసదం సర్వసిద్ధిదం |
సిద్ధిస్వరూపం సిద్ధేశం సిద్ధానాం పరమం గురుం || 7 ||
స్తవరాజమిదం ప్రోక్తం గుహ్యాద్గుహ్యతరం పరం |
త్రిసంధ్యం యః పఠేన్నిత్యం వ్యాధిభ్యః స ప్రముచ్యతే || 8 ||
ఆంధ్యం కుష్ఠం చ దారిద్ర్యం రోగః శోకో భయం కలిః |
తస్య నశ్యతి విశ్వేశ శ్రీసూర్యకృపయా ధ్రువం || 9 ||
మహాకుష్ఠీ చ గలితో చక్షుర్హీనో మహావ్రణీ |
యక్ష్మగ్రస్తో మహాశూలీ నానావ్యాధియుతోఽపి వా || 10 ||
మాసం కృత్వా హవిష్యాన్నం శ్రుత్వాఽతో ముచ్యతే ధ్రువం |
స్నానం చ సర్వతీర్థానాం లభతే నాత్ర సంశయః || 11 ||
ఇతి శ్రీబ్రహ్మవైవర్తే మహాపురాణే గణపతిఖండే ఏకోనవింశోఽధ్యాయే బ్రహ్మకృత శ్రీ సూర్య స్తవరాజం |
Sri Surya Stavaraja Stotram pdf download – శ్రీ సూర్య స్తవరాజ స్తోత్రం
Author
Pavan Teja
పవన్ తేజ రచయితగా సినిమాలు, రాజకీయం, ఆరోగ్యం, వ్యాయామం, అందం, ధర్మం, విజ్ఞాన శాస్త్రం, సాంకేతికత, డబ్బు సంపాదించే మార్గాలు, ఆంగ్లం నుండి తెలుగు అనువాదం మొదలైన అంశాలలో అనుభవం పొందాడు. అతను గతంలో తెలుగు సినిమా విశ్లేషకుడిగా పని చేశాడు. ప్రస్తుతం అసిస్టెంట్ డైరెక్టర్ గా పనిచేస్తున్నాడు.
