Sri Surya Kavacham 2 (Trilokya Mangalam) pdf download – శ్రీ సూర్య కవచం –2 (త్రైలోక్యమంగళం)

శ్రీసూర్య ఉవాచ |
సాంబ సాంబ మహాబాహో శృణు మే కవచం శుభం |
త్రైలోక్యమంగళం నామ కవచం పరమాద్భుతం || 1 ||
యజ్జ్ఞాత్వా మంత్రవిత్ సంయక్ ఫలం ప్రాప్నోతి నిశ్చితం |
యద్ధృత్వా చ మహాదేవో గణానామధిపోఽభవత్ || 2 ||
పఠనాద్ధారణాద్విష్ణుః సర్వేషాం పాలకః సదా |
ఏవమింద్రాదయః సర్వే సర్వైశ్వర్యమవాప్నుయుః || 3 ||
కవచస్య ఋషిర్బ్రహ్మా ఛందోఽనుష్టుబుదాహృతః |
శ్రీసూర్యో దేవతా చాత్ర సర్వదేవనమస్కృతః || 4 ||
యశ ఆరోగ్యమోక్షేషు వినియోగః ప్రకీర్తితః |
ప్రణవో మే శిరః పాతు ఘృణిర్మే పాతు భాలకం || 5 ||
సూర్యోఽవ్యాన్నయనద్వంద్వమాదిత్యః కర్ణయుగ్మకం |
అష్టాక్షరో మహామంత్రః సర్వాభీష్టఫలప్రదః || 6 ||
హ్రీం బీజం మే ముఖం పాతు హృదయం భువనేశ్వరీ |
చంద్రబింబం వింశదాద్యం పాతు మే గుహ్యదేశకం || 7 ||
అక్షరోఽసౌ మహామంత్రః సర్వతంత్రేషు గోపితః |
శివో వహ్నిసమాయుక్తో వామాక్షీబిందుభూషితః || 8 ||
ఏకాక్షరో మహామంత్రః శ్రీసూర్యస్య ప్రకీర్తితః |
గుహ్యాద్గుహ్యతరో మంత్రో వాంఛాచింతామణిః స్మృతః || 9 ||
శీర్షాదిపాదపర్యంతం సదా పాతు మనూత్తమః |
ఇతి తే కథితం దివ్యం త్రిషు లోకేషు దుర్లభం || 10 ||
శ్రీప్రదం కాంతిదం నిత్యం ధనారోగ్యవివర్ధనం |
కుష్ఠాదిరోగశమనం మహావ్యాధివినాశనం || 11 ||
త్రిసంధ్యం యః పఠేన్నిత్యమరోగీ బలవాన్భవేత్ |
బహునా కిమిహోక్తేన యద్యన్మనసి వర్తతే || 12 ||
తత్తత్సర్వం భవేత్తస్య కవచస్య చ ధారణాత్ |
భూతప్రేతపిశాచాశ్చ యక్షగంధర్వరాక్షసాః || 13 ||
బ్రహ్మరాక్షసవేతాలా న ద్రష్టుమపి తం క్షమాః |
దూరాదేవ పలాయంతే తస్య సంకీర్తనాదపి || 14 ||
భూర్జపత్రే సమాలిఖ్య రోచనాగురుకుంకుమైః |
రవివారే చ సంక్రాంత్యాం సప్తంయాం చ విశేషతః |
ధారయేత్ సాధకశ్రేష్ఠః స పరో మే ప్రియో భవేత్ || 15 || [శ్రీసూర్యస్య] త్రిలోహమధ్యగం కృత్వా ధారయేద్దక్షిణే కరే |
శిఖాయామథవా కంఠే సోఽపి సూర్యో న సంశయః || 16 ||
ఇతి తే కథితం సాంబ త్రైలోక్యమంగళాభిధం |
కవచం దుర్లభం లోకే తవ స్నేహాత్ ప్రకాశితం || 17 ||
అజ్ఞాత్వా కవచం దివ్యం యో జపేత్ సూర్యముత్తమం |
సిద్ధిర్న జాయతే తస్య కల్పకోటిశతైరపి || 18 ||
ఇతి శ్రీబ్రహ్మయామలే త్రైలోక్యమంగళం నామ శ్రీ సూర్య కవచం ||